Bjarni Fel mættur vestur til að lýsa leiknum í Útvarpi KR

Útvarp KR er mætt á Ísafjörð og mun lýsa leik BÍ/Bolungarvíkur og KR í undanúrslitum Valitors-bikarsins í dag. Þetta er 323. útsending KR-útvarpsins og hefst hún með upphitun klukkan 15.00.

Útvarp KR sendir út á fm 98,3, á www.netheimur.is og iPhone, iPad, iPod og Android snjallsímum í boði Netheims.

Bjarni Felixson, sjöfaldur bikarmeistari á sínum ferli, er mættur vestur og mun lýsa leiknum sem hefst klukkan 16.00 á Torfnesvellinum. Bjarni spilaði einmitt báða leiki KR og ÍBÍ í sögu bikarkeppninnar sem fóru fram 1960 og 1962.

Leikurinn verður í beinni útsendingu á Stöð 2 Sport.