Draumamark hjá Gunnari Heiðari

Eyjapeyinn Gunnar Heiðar Þorvaldsson skoraði stórglæsilegt mark fyrir Norrköping á útivelli gegn Halmstad um helgina. Gunnar Heiðar tók boltann á lofti fyrir utan teig og klippti hann í netið.

Gunnar Heiðar kom Norrköpin í 2-1 á 51. mínútu og útlitið varð enn betra skömmu síðar þegar gestirnir komust í 3-1 og hálftími til leiksloka. Hálfleikurinn varð hins vegar algjör markaveisla sem lauk með 5-4 sigri Halmstad.

Jónas Guðni Sævarsson var í liði Halmstad og krækti sér í gult spjald. Sigurinn var lífsnauðsynlegur fyrir heimamenn en Halmstad er í botnsæti deildarinnar með tíu stig eftir 20 leiki. Norrköpping er einnig í botnbaráttu í fjórða neðsta sæti með 22 stig.

Öll mörk leiksins má sjá í myndbandinu hér að ofan. Mark Gunnars Heiðars kemur eftir um eina og hálfa mínútu.