Daníel: Frábær endurkoma

"Þetta var frábær endurkoma eftir slakan leik á móti Fram," sagði hetja FH, Daníel Andrésson eftir 20-24 sigur á Akureyri fyrir norðan í kvöld.

Daníel var frábær í marki FH, varði alls 22 skot.

"Við byjuðum leikinn illa en við unnum okkur inn í leikinn og vorum betri aðilinn. Við kláruðum þetta svo bara með stæl. Ég veit ekki hvað gerðist í byrjun en það kviknaði á okkur þegar okkur fór að ganga vel."

"Við gengum bara á lagið. Við vorum miklu betri í seinni hálfleik og vörnin fyrir framan mig var frábær."

"Maðurinn hefur aðeins heyrt af því að við séum ekki nógu góðir í ár en við sýndum hvað við getum hér og við ætlum okkur að berjast um alla titla," sagði Daníel.