Ýkt flott og hræódýrt

Frystihúsaflísar, sundlaugaflísar eða hvað sem þið viljið kalla þær, þá eru þær komnar aftur inn. Það er reyndar mjög gott því þetta eru einar ódýrustu flísarnar sem þú færð í dag og öll viljum við nú hafa fallegt hjá okkur án þess þó að fara á hausinn.

Flísarnar hafa ákveðin sjarma og geta breytt innréttingu sem er frekar einföld og flöt yfir í rómantíska stemningu.

Með því að leggja flísarnar eins og múrstein er komið ákveðið mynstur sem er þó alls ekki yfirþyrmandi því flísarnar eru svo einfaldar. Ef þú vilt svo poppa þær aðeins upp er hægt að setja dökka fúu í stað ljósrar, leggja þær lóðrétt eða taka flísarnar í dekkri lit.

Þessar flísar koma mjög vel út í eldhúsi og á baðherbergi. Sjá meðfylgjandi myndaalbúm.

Facebooksíða Sæbjargar - Saja Interior Design