Ragna úr leik í Osló

Ragna Ingólfsdóttir er úr leik á alþjóðlega norska mótinu í badminton sem fram fer í Osló þessa dagana.

Ragna tapaði fyrir Chloe Magee frá Írlandi í 16-manna úrslitum. Leikur stúlknanna var afar jöfn og Magee hafði betur í oddalotu.

Magee vann fyrstu lotuna, 21-17, en Ragna svaraði með öruggum sigri, 21-14, í annarri lotu. Í oddalotunni hafði Magee betur, 21-15.

Næst á dagskrá hjá Rögnu er að fara til Skotlands þar sem hún tekur þátt á alþjóðlega skoska mótinu.