Átta komast í Ólympíuhóp FRÍ fyrir London 2012

Frjálsíþróttasambands Íslands hefur sett saman sérstakan Ólympíuhóp fyrir leikana í London á næsta ári. Hópinn skipa átta íþróttamenn sem eru líklegir eða hafa náð lágmörkum á leikana.

Þessir frjálsíþróttamenn eru í stafrófsröð: Ásdís Hjálmsdóttir spjótkastari úr Ármanni, Bergur Ingi Pétursson sleggjukastari úr FH, Einar Daði Lárusson tugþrautamaður úr ÍR, Helga Margrét Þorsteinsdóttir sjöþrautakona úr Ármanni, Kári Steinn Karlsson maraþonhlaupari úr Breiðablik, Kristinn Torfason langstökkvari úr FH, Óðinn Björn Þorsteinsson kúluvarpari úr FH og Þorsteinn Ingvarsson langstökkvari úr HSÞ.

Ásdís og Kári Steinn eru þau einu sem þegar eru með lágmark á leikana en nánari upplýsingar um meðlimi hópsins má finna hér fyrir neðan.



Ólympíuhópur Frjálsíþróttasambands Íslands fyrir London 2012

Nafn: Ásdís Hjálmsdóttir

Aldur: 26 ára

Félag: Ármann

Þjálfari: Stefán Jóhannsson

Grein og besti árangur: Spjótkast 61,37 m

Lágmark á Ólympíuleika: 59,00 m

Helstu afrek: 10.sæti á Evrópumeistaramótinu 2010 og 13.sæti á Heimsmeistaramótinu 2011.

Nafn: Bergur Ingi Pétursson

Aldur: 26 ára

Félag: FH

Þjálfari: Eggert Bogason

Grein og besti árangur: Sleggjukast 74,48 m

Lágmark á Ólympíuleika: 74,00 m

Helstu afrek: Keppti á HM unglinga 2004 ítalíu, Ólympíuleikum 2008 í Peking, HM 2009 í Berlin. Tvisvar sinnum orðið í 1.sæti í Evrópubikarkeppni landsliða í 2.deild. Margfaldur Íslands- og Bikarmeistari. Er Íslandsmethafi og fyrstur Íslendinga til að kasta yfir 70m í sleggjukasti.

Nafn: Einar Daði Lárusson

Aldur: 21 árs

Félag: ÍR

Þjálfari: Þráinn Hafsteinsson

Grein og besti árangur: Tugþraut 7587 stig

Lágmark á Ólympíuleika: 7950 stig

Helstu afrek: Íslandsmethafi í tugþraut, sjöþraut, 60m grind, 110m grind og stangarstökki m.a í flokki 20 – 22 ára.

7. sæti í áttþraut á HM U18 2007, 12. sæti í tugþraut á TNT Fortuna Meeting 2011, 13. sæti í tugþraut á EM U23 2011. 1. sæti í 400 m. grind á Norðurlandamóti U20 2009

Nafn: Helga Margrét Þorsteinsdóttir

Aldur: 20 ára

Félag: Ármann

Þjálfari: Agne Bergvall ásamt fleirum

Grein og besti árangur: Sjöþraut 5878 stig

Lágmark á Ólympíuleika: 5950 stig

Helstu afrek: Bronsverðlaun í sjöþraut á HM 19 ára og yngri 2010. Íslandsmet í sjöþraut utanhúss og fimmtarþraut innanhúss.

Nafn: Kári Steinn Karlsson

Aldur: 25 ára

Félag: Breiðablik

Þjálfari: Gunnar Páll Jóakimsson

Grein og besti árangur: Maraþon 2:17:12

Lágmark á Ólympíuleika: 2:18:00

Helstu afrek: Íslandsmet í 5.000m, 10.000m, hálfmaraþoni, maraþoni, 3.000m innanhús og 5.000m innanhús. 17.sæti í Berlínarmaraþoni 2011.

Nafn: Kristinn Torfason

Aldur: 27 ára

Félag: FH

Þjálfari: Einar Þór Einarsson, Jónas Hlynur Hallgrímsson og Ragnheiður Ólafsdóttir

Grein og besti árangur: Langstökk 7,77 innanhúss og 7,67 utanhúss

Lágmark á Ólympíuleika: 8,10 m

Helstu afrek: Tvöfaldur smáþjóðaleikameistari í langstökki (2009, 2011), Smáþjóðaleikamet í langstökk 7.67m (2011), Íslandsmet í þrístökki innanhús 15.27m, Íslandsmet í 4x100m boðhlaupi, Íslandsmet í 4x400m boðhlaupi. Keppti á Evrópumeistaramótinu innanhús í París 2011 og á Heimsmeistaramótinu í Suður Kóreu 2011

Nafn: Óðinn Björn Þorsteinsson

Aldur: 30 ára

Félag: FH

Þjálfari: Helgi Þór Helgason, Eggert Bogason

Grein og besti árangur: Kúluvarp 19,83m

Lágmark á Ólympíuleika: 20,00

Helstu afrek: Pb 19,83 Göteborg

Keppti á EM innanhúss í Birmingham og París 2007 og 2009 og EM utanhúss í Barcelona 2010 Keppti á Smáþjóðaleikum 1999, 2003, 2005, 2009, 2011 og á tvö gull, tvö silfur og tvö brons frá þeim.

Íslandsmeistari í kúluvarpi utanhúss 2004 til 2011 og innanhúss 2002 og 2005 til 2011

Íþróttamaður Hafnafjarðar 2010

Íþróttamaður (karl) FRI 2007 og 2010

Nafn: Þorsteinn Ingvarsson

Aldur: 23 ára

Félag: HSÞ

Þjálfari: Þráinn Hafsteinsson, Jón F. Benónýsson

Grein og besti árangur: Langstökk 7,65 innanhúss og 7,79 utanhúss

Lágmark á Ólympíuleika: 8,10 m

Helstu afrek: Keppandi á EM Barcelona 2010

Topp 10 Evrópu U23 í langstökki 2010

Keppandi á HM 17ára og yngri 2005

Norðurlandameistari U20 í langstökki 2005

Sjöfaldur Íslandsmeistari í Langstökki karla

Íþróttamaður HSÞ 2003,2004,2005,2006,2010