ÍBV sótti sigur á Seltjarnarnes

ÍBV vann í kvöld nauman sigur á liði Gróttu í N1-deild kvenna, 23-22, en leikurinn fór fram á Seltjarnarnesi.

Staðan í hálfleik var 12-9, Eyjastúlkum í vil.

Guðbjörg Guðmannsdóttir skoraði átta mörk fyrir ÍBV og Þórsteina Sigurbjörnsdóttir sex.

Í liði Gróttu voru þær Hildur Marín Andrésdóttir og Lovísa Rós Jóhannsdóttir markahæstar með fjögur mörk hvor.

ÍBV komst upp í ellefu stig með sigrinum og er í fimmta sæti deidlarinnar, einu stigi á eftir Fylki.

Grótta er í níunda og næstneðsta sæti deildarinnar með tvö stig.

Fjórir leikir fara fram um helgina í deildinni.

Laugardagur:

13.30 Valur - Haukar

13.30 ÍR - Fylkir

14.30 FH - Stjarnan

Sunnudagur:

13.30 Fram - HK