Haukar unnu léttan sigur á lélegu Framliði

Haukar ætla ekki að gefa eftir í baráttunni um sæti í úrslitakeppninni en liðið vann fimm marka sigur á Fram, 32-28, í Safamýrinni í N1 deild karla í kvöld.

Haukarnir voru ekki búnir að vinna í síðustu þremur leikjum sínum og voru í hættu að dragast úr lestinni í baráttunni um fjögur efstu sætin. Þeir kunna hinsvegar vel við sig í Safamýrinni sem þeir sýndu í kvöld en þetta var sjötti sigur Haukaliðsins í röð á Fram í húsinu.

Haukar lögðu grunninn að góðri forystu með frábærum ellefu mínútna kafla í fyrri hálfleik þar sem þeir skoruðu átta mörk gegn einu og komust í 13-7. Haukar voru síðan með fimm marka forskot í hálfleik, 18-13.

Framarar byrjuðu seinni hálfleikinn vel og minnkuðu muninn í eitt mark, 18-19, en þá komu þrjú Haukamark í röð og eftir fimm mínútur var staðan orðin 24-19 fyrir Hauka. Haukarnir héldu síðan Framliðinu í hæfilegri fjarlægð eftir það.

Björgvin Þór Hólmgeirsson og Guðmundur Árni Ólafsson fóru á kostum í Haukaliðinu og skoruðu báðir 11 mörk. Einar Rafn Eiðsson skoraði 7 mörk fyrir Fram. Björn Viðar Björnsson átti góða innkomu í Frammarkið og varði 16 skot

Fram-Haukar 28-33 (13-18)

Mörk Fram (Skot):  Einar Rafn Eiðsson 7/1 (13/2), Andri Berg Haraldsson 6 ( 12),Matthías Daðason 3 (3), Magnús Stefánsson 3 (4), Róbert Aron Hostert 3 (7), Jóhann Gunnar Einarsson 3 (7), Jóhann Karl Reynisson 2 (3), Halldór Jóhann Sigfússon 1 /1 (2/1), Haraldur Þorvarðarson (3).

Varin skot: Magnús Gunnar Erlendsson    6 (19/2, 32%), Björn Viðar Björnsson 16/2 (36/5, 44%).

Hraðaupphlaupsmörk: 7 (Jóhann Karl 2, Einar Rafn 2, Magnús, Andri Berg, Matthías)

Fiskuð víti: 3 (Haraldur 2, Róbert Aron)

Brottvísanir: 14 mínútur

Mörk Hauka (Skot): Guðmundur Árni Ólafsson 11/5 (14/7), Björgvin Þór Hólmgeirsson     11 (15), Tjörvi Þorgeirsson 3 (12), Freyr Brynjarsson 2 (3), Einar Örn Jónsson 2 (4), Sveinn Þorgeirsson 2 (5),Heimir Óli Heimisson 2 (5), Þórður Rafn Guðmundsson  (2)þ

Varin skot: Birkir Ívar Guðmundsson 9/1 (26/2, 35%), Aron Rafn Eðvarðsson 5 (16/1, 31%)

Hraðaupphlaupsmörk: 6 (Guðmundur Árni 2, Björgvin Þór 2, Freyr 1, Heimir Óli)

Fiskuð víti: 7 (Freyr 2, Þórður Rafn, Sveinn, Heimir Óli, Einar Örn, Björgvin Þór)

Brottvísanir: 16 mínútur