Obama býður Jennifer Lopez í partý í kvöld

Þó svo uppáhaldslið Barack Obama Bandaríkjaforset hafi ekki komist í Super Bowl ætlar forsetinn samt að vera með partý í kvöld. Obama styður Chicago Bears sem var einu skrefi frá því að komast í úrslit en Green Bay vann Bears í undanúrslitunum.

Obama var í sárum eftir tap sinna manna gegn Packers og þurfti að halda ræðu í Green Bay aðeins þrem dögum eftir leikinn. Þar var byrjað á því að gefa honum Packers-jakka og síðan var hann beðinn um að stilla sér upp í myndatöku.

Forsetinn glotti í kampinn við það tilefni og sagði heimamenn ekki vera að hjálpa mikið til. Bætti svo við að Bears myndi ná fram hefndum á næsta ári.

Obama verður með 100 manna teiti í Hvíta Húsinu í kvöld þar sem eru aðallega pólitíkusar á gestalistanum. Ekki alveg samt því söngvarahjónin Jennifer Lopez og Marc Anthony verða líka á svæðinu. Þau eiga hlut í Miami Dolphins.