Eyjastúlkur gerðu góða ferð í Garðabæinn

ÍBV vann sigur á Stjörnunni í fyrsta leik N1-deildar kvenna eftir jólafrí, 26-24, í Garðabænum í kvöld.

ÍBV hafði tveggja marka forystu eftir fyrri hálfleikinn, 14-12, en með sigrinum komust Eyjamenn upp að hlið Stjörnunnar og HK. Öll þrjú lið eru nú með átta stig í 3.-5. sæti en HK á leik til góða.

Grigore Gqorgola skoraði ellefu mörk fyrir ÍBV í kvöld og Ester Óskarsdóttir sex. Hjá Stjörnunni voru Sólveig Lára Kjærnested og Hanna G. Stefánsdóttir markahæstar með sex mörk hvor.

Þrír leikir fara fram í deildinni á morgun. Toppliðin tvö, Valur og Fram, eigast við í Safamýrinn og þá tekur KA/Þór á móti Gróttu og Haukar mæta HK á heimavelli.

Stjarnan - ÍBV 24-26 (12-14)

Mörk Stjörnunnar: Sólveig Lára Kjærnested 6, Hanna G. Stefánsdóttir 6, Jóna Margrét Ragnarsdóttir 5, Rut Steinsen 2, Sandra Sigurjónsdóttr 2, Þórhildur Gunnarsdóttir 2, Arna Dýrfjörð.

Mörk ÍBV: Grigore Gqorgola 11, Ester Óskarsdóttir 6, Ivana Mladenovic 3, Drífa Þorvaldsdóttir 3, Þórsteina Sigurbjörnsdóttir 2, Aníta Elíasdóttir 1.