Sölvi Geir fyrirliði | Kári byrjar

Sölvi Geir Ottesen verður fyrirliði íslenska landsliðsins gegn Svartfjallalandi í dag. Kári Árnason, leikmaður Aberdeen, kemur beint inn í byrjunarliðið eftir langa fjarveru frá landsliðinu.

Leikurinn hefst klukkan 17.00 í dag og fer fram í Podgorica, höfuðborg Svartfjallalands. Hann verður sýndur í beinni útsendingu á SportTV.is í dag.

Sölvi Geir og Ragnar Sigurðsson, leikmenn FCK í Danmörku, verða miðverðir Íslands í dag og bakverðir þeir Grétar Rafn Steinsson og Bjarni Ólafur Eiríksson. Stefán Logi Magnússon stendur í marki íslenska liðsins.

Emil Hallfreðsson byrjar þrátt fyrir að hafa verið tæpur vegna meiðsla og verður á vinstri kantinum. Rúrik Gíslason verður hægra megin og þeir Eggert Gunnþór Jónsson og Kári á miðjunni. Kári spilaði síðast landsleik í Kýpur þann 3. mars árið 2010 og þar áður í október árið 2007.

Aron Einar Gunnarsson er ekki í byrjunarliðinu en hann meiddist lítillega í leik Liverpool og Cardiff um helgina.

Gylfi Þór Sigurðsson og Birkir Bjarnason verða sóknarmenn Íslands í dag.

Byrjunarlið Íslands:

Markvörður:

Stefán Logi Magnússon

Vörn:

Grétar Rafn Steinsson

Ragnar Sigurðsson

Sölvi Geir Ottesen

Bjarni Ólafur Eiríksson

Miðja:

Rúrik Gíslason

Eggert Gunnþór Jónsson

Kári Árnason

Emil Hallfreðsson

Sókn:

Gylfi Þór Sigurðsson

Birkir Bjarnason