Xavi: Mikilvægt að halda Guardiola

Miðjumaðurinn Xavi hjá Barcelona segir að Pep Guardiola þjálfari eigi stóran þátt í velgengni félagsins síðustu ár og segir að það sé mikilvægt að hann þjálfi liðið áfram.

Guardiola er vanur að semja aðeins til eins árs í senn og hann er því enn á ný með lausan samning í sumar og enginn skortur á gylliboðum víða frá.

"Mín skoðun er sú að það sé mjög mikilvægt að hann þjálfi okkur áfram. Hann er lykilmaður og kannski sá mikilvægasti hjá félaginu," sagði Xavi.

"Það vilja allir halda honum en á endanum er það hans að ákveða hvort hann vilji vera hér áfram."