Margrét Lára farin aftur til Kristianstad

Margrét Lára Viðarsdóttir er gengin í raðir sænska félagsins Kristianstad. Þar hittir hún fyrir þjálfarann Elísabetu Gunnarsdóttur sem Margréti finnst augljóslega gott að spila fyrir.

Það er fótbolti.net sem greinir frá þessu í dag og þar kemur fram að Margrét Lára hafi skrifað undir samning til ársns 2013.

Margrét Lára var síðast í herbúðum Turbine Potsdam en þangað kom hún einmitt frá Kristianstad.

Með sænska liðinu leika einnig Sif Atladóttir, Guðný Björk Óðinsdóttir og Katrín Ómarsdóttir.