Forseti Barcelona: Viljum halda Xavi

Sandro Rosell, forseti Barcelona, segir að félagið muni gera allt sem í valdi þess stendur til að halda Xavi innan raða þess.

Umboðsmaður Xavi greindi frá því í gær að félagið hefði óskað eftir viðræðum um nýjan samning en núverandi samningur hans rennur út eftir tvö ár.

Xavi er einn besti leikmaður heims en hann er 32 ára gamall og hefur verið allan sinn feril hjá Barcelona.

„Við munum gera allt sem í okkar valdi stendur og ég held að hann hafi mikinn áhuga á að klára feril sinn hér," sagði Rosell við spænska fjölmiðla. „Hann er fyrirmynd og goðsögn."