Pique frá í þrjá vikur

Það eru varnarvandræði hjá liði Barcelona enda er Carles Puyol frá vegna meiðsla og svo var Gerard Pique að meiðast í leiknum gegn Spartak Moskvu í Meistaradeildinni.

Pique varð að fara af velli eftir aðeins 12 mínútna leik vegna meiðslanna og er búist við því að hann verði frá í þrjár vikur.

Hann mun því missa af leikjum gegn Sevilla í deildinni sem og Meistaradeildarleiknum gegn Benfica í byrjun október.

Læknateymi Barca vonast til þess að Pique verði klár í slaginn gegn Real Madrid en sá leikur fer fram helgina eftir Benfica-leikinn.