Poppsöngkonan Miley Cyrus kom öllum að óvörum þegar hún klippti á sér hárið fyrir stuttu og litaði það ljóst. Miley skapaði nýtt trend og er Paris Jackson ein af þeim sem hefur apað eftir henni.
Paris er fjórtán ára dóttir poppkóngsins Michaels Jacksons heitins og notaði Instagram-síðu sína til að frumsýna nýja lúkkið sem er í anda Miley. Um leið spurði hún vini sína hvernig þeim litist á hárið sem er talsvert styttra og ljósara.
En ekki er allt sem sýnist enda var það ótrúlegt að Paris skyldi tíma löngu, svörtu lokkunum. Hún setti bara á sig hárkollu og plataði alla upp úr skónum en hún er við tökur á kvikmyndinni Lundon's Bridge and the Three Keys.
Dóttir Michaels Jacksons stælar Miley
