Skemmtileg hliðarspor Susanne Bier Þorgils Jónsson skrifar 1. október 2012 11:04 Samstarf danska leikstjórans Susanne Bier og handritshöfundarins Anders Thomas Jensen hefur verið afar farsælt síðustu ár. Þau hafa getið af sér fjölmargar gæðamyndir, meðal annars Óskarsverðlaunamyndina Hævnen. Nýjasta afurð þeirra er Den skaldede frisør (Hárlausi hárskerinn), sem er kynnt sem Love is all you need utan heimalandsins. Myndir þeirra Bier og Jensen hafa jafnan verið þrungnar dramatík og átakanlegum fjölskylduaðstæðum, en Den skaldede frisør er langtum léttari vara. Raunar sagði Bier í spurningatíma fyrir myndina að þau tvö hefðu yfirleitt lagt upp með að gera gamanmyndir, en nú loks hafi það tekist. Það er hverju orði sannara því að um er að ræða hefðbundna rómantíska gamanmynd þar sem Trine Dyrholm leikur hárgreiðslukonu sem hefur barist við brjósta krabbamein og haft betur um sinn, en hún hefur þó misst hárið. Á umbrotatíma í lífi sínu heldur hún til Ítalíu til að vera viðstödd brúðkaup dóttur sinnar, og kynnist þar föður brúðgumans, sem er leikinn af Pierce Brosnan. Það er fátt nýstárlegt við söguþráðinn, þannig séð, og framvindan nokkuð fyrirsjáanleg, en Bier hefur þó tekist að skapa bráðskemmtilega kvikmynd. Persónurnar eru áhugaverðar og vel skrifaðar og samböndin þeirra á milli eru heillandi, auk þess sem leikararnir eru allir í fantaformi. Aukapersónurnar eru hver annarri skemmtilegri, en helst má nefna frammistöðu kempunnar Kim Bodnia, sem flestir þekkja sem harðhaus úr ótal kvikmyndum og sjónvarpsþáttum. Bodnia er hér í hlutverki trúðsins, hins afkáralega föður brúðarinnar, og fer listilega vel með sína rullu. Danski húmorinn svífur hér yfir vötnum eins og við er að búast. Dásamlega vandræðaleg augnablik í bland við ískalda brandara eru sannarlega ekkert nýtt, en hér er afbragðsvel farið með. Heilt yfir er hér um að ræða fyrirtaks kvikmynd, ljúfsára og sprenghlægilega í bland, sem er óhætt að mæla með. Þrátt fyrir að efnistök Susanne Bier séu nokkuð léttari en oft áður er Den skaldede frisør enn ein rósin í hnappagatið hjá henni. Mest lesið „Það braut ísinn að við hefðum deitað sama gaurinn“ Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Karlmennskuhlaðvarpið heyrir sögunni til Lífið Fréttatía vikunnar: Körfubolti, laxaastmi og stýrivextir Lífið Gómsætar haustkökur að hætti Elenoru Lífið Ólafur Ragnar skellti sér á sæþotu eftir langan dag Lífið Simmi Vill og Sunneva Einars létu sig ekki vanta á Jókerinn Lífið Skrúfaði titrarann í sundur til að forða nágrönnum frá ónæði Lífið „Hrátt háþróað krass, langt leitt krot“ Menning Fleiri fréttir Speak No Evil: Pabbi er ekki með fulle fem Maður þurfti ekki að vera skyggn Melódrama, morð og hæfilega mikið bótox Sunna Gunnlaugs í skugga karlrembu á djasshátíð Sjá meira
Samstarf danska leikstjórans Susanne Bier og handritshöfundarins Anders Thomas Jensen hefur verið afar farsælt síðustu ár. Þau hafa getið af sér fjölmargar gæðamyndir, meðal annars Óskarsverðlaunamyndina Hævnen. Nýjasta afurð þeirra er Den skaldede frisør (Hárlausi hárskerinn), sem er kynnt sem Love is all you need utan heimalandsins. Myndir þeirra Bier og Jensen hafa jafnan verið þrungnar dramatík og átakanlegum fjölskylduaðstæðum, en Den skaldede frisør er langtum léttari vara. Raunar sagði Bier í spurningatíma fyrir myndina að þau tvö hefðu yfirleitt lagt upp með að gera gamanmyndir, en nú loks hafi það tekist. Það er hverju orði sannara því að um er að ræða hefðbundna rómantíska gamanmynd þar sem Trine Dyrholm leikur hárgreiðslukonu sem hefur barist við brjósta krabbamein og haft betur um sinn, en hún hefur þó misst hárið. Á umbrotatíma í lífi sínu heldur hún til Ítalíu til að vera viðstödd brúðkaup dóttur sinnar, og kynnist þar föður brúðgumans, sem er leikinn af Pierce Brosnan. Það er fátt nýstárlegt við söguþráðinn, þannig séð, og framvindan nokkuð fyrirsjáanleg, en Bier hefur þó tekist að skapa bráðskemmtilega kvikmynd. Persónurnar eru áhugaverðar og vel skrifaðar og samböndin þeirra á milli eru heillandi, auk þess sem leikararnir eru allir í fantaformi. Aukapersónurnar eru hver annarri skemmtilegri, en helst má nefna frammistöðu kempunnar Kim Bodnia, sem flestir þekkja sem harðhaus úr ótal kvikmyndum og sjónvarpsþáttum. Bodnia er hér í hlutverki trúðsins, hins afkáralega föður brúðarinnar, og fer listilega vel með sína rullu. Danski húmorinn svífur hér yfir vötnum eins og við er að búast. Dásamlega vandræðaleg augnablik í bland við ískalda brandara eru sannarlega ekkert nýtt, en hér er afbragðsvel farið með. Heilt yfir er hér um að ræða fyrirtaks kvikmynd, ljúfsára og sprenghlægilega í bland, sem er óhætt að mæla með. Þrátt fyrir að efnistök Susanne Bier séu nokkuð léttari en oft áður er Den skaldede frisør enn ein rósin í hnappagatið hjá henni.
Mest lesið „Það braut ísinn að við hefðum deitað sama gaurinn“ Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Karlmennskuhlaðvarpið heyrir sögunni til Lífið Fréttatía vikunnar: Körfubolti, laxaastmi og stýrivextir Lífið Gómsætar haustkökur að hætti Elenoru Lífið Ólafur Ragnar skellti sér á sæþotu eftir langan dag Lífið Simmi Vill og Sunneva Einars létu sig ekki vanta á Jókerinn Lífið Skrúfaði titrarann í sundur til að forða nágrönnum frá ónæði Lífið „Hrátt háþróað krass, langt leitt krot“ Menning Fleiri fréttir Speak No Evil: Pabbi er ekki með fulle fem Maður þurfti ekki að vera skyggn Melódrama, morð og hæfilega mikið bótox Sunna Gunnlaugs í skugga karlrembu á djasshátíð Sjá meira