Athafnakonan Íris með skartgripalínu

"Guðbjartur er falinn fjársjóður sem á skilið að verk hans komist á spjöld sögunnar, en hann á sér yfir 60 ára sögu í hönnun og smíði skartgripa. Ég tók við framleiðslu á línunni hans núna í haust en línan er hönnun frá árunum 1970-2000. Línan er svo tímalaus að hún gæti alveg eins hafa verið hönnuð í ár eða fyrir hundrað árum síðan" segir athafnakonan Íris Björk Jónsdóttir um skartgripalínu Guðbjarts Þorleifssonar gullsmiðs sem hún hefur nú tekið við.

Smíðaði víravirkiðfyrir íslenska þjóðbúninginn

"Guðbjartur gerði afsteypu af Úrnesnælunni sem er talin vera frá 11. öld og hannaði armbönd eftir henni þá smíðar hann einnig víravirkið fyrir íslenska þjóðbúninginn enn þann dag í dag en ein týpan af armböndunum eru í þeim stíl," útskýrir Íris og heldur áfram:

Verður Írisi innan handar

"Trúararmbandið er það sem við leggjum sérstaka áherslu á en það var hannað á bilinu 1992-1995 og líka Rúnararmbandið sem er hönnun frá um 1970. Öll þessi armbönd eru í línu Veru Design. Guðbjartur ætlar að vera mér innan handar fyrstu skrefin og aðstoða við mótagerð og fleira fyrir nýja línu sem er á teikniborðinu, en hann smíðar og gerir mót eftir gamallri hefð sem skilar sér í glæsilegum frágangi og gæðum."

Hvar fást þessir skartgripir? "Skargripirnir eru komnir í sölu í Epal Leifsstöð og Skeifu, Mebu Kringlu og Smáralind, GÞ skartgripum Bankastræti 12, Gilbert úrsmið Laugavegi og líka í Bandaríkjunum og stefnum við á að selja þau í Bretlandi og á norðurlöndunum eftir áramót. Það eru spennandi tímar framundan hjá okkur í Veru Design," segir Íris.

Facebooksíða Veru Design.

Stórstjörnur fengu armband

Yoko Ono og Lady Gaga fengu einmitt Rúnararbandið afhent í haust í Hörpunni á friðarverðlaunaafhendingunni. Það var Filippía Elísdóttir búningahönnuður sem færði stjörnunum armböndin