Þröngar gallabuxur, hér er ég!

Þúsundþjalasmiðurinn Hilary Duff fagnaði góðum árangri í ræktinni á Twitter fyrir stuttu en átta mánuðir eru síðan hún eignaðist soninn Luca Cruz með eiginmanninum Mike Comrie.

"Gabe Johns, þú ert að þræla mér út og það er að borga sig! Þröngar gallabuxur, hér er ég!" skrifaði Hilary og setti inn mynd af gallabuxum í stærð 26. Gabe er einkaþjálfari stjörnunnar.

Hilary setti sér það markmið í sumar að losa sig við meðgöngukílóin en alls ekki of hratt.

"Ég er ekki vaxin eins og ég vil en ég æfi mikið og ég geri allt til að léttast á réttan hátt," segir Hilary.

Þú gætir unnið - vertu með okkur á Facebook.