Melta söluskrána með hangikjötinu

Stangaveiðifélag Reykjavíkur hefur framlengt umsóknarfrest um veiðileyfi næsta sumars til 28. desember. Fresturinn átti að renna út í dag.

Í tilkynningu frá Stangaveiðifélaginu segir að fresturinn hafi verið framlengdur vegna fjölmargra athugasemda um hann væri of knappur.

"Við hvetjum félagsmenn til þess að nýta jólahátíðina til þess að huga að næsta sumri, en fátt er betra en að fletta söluskránni í faðmi fjölskyldunnar með magafylli af hangikéti og leggja línurnar fyrir næsta veiðitímabil," segir á svfr.is.

gar@frettabladid.is