Sagan öll í smáatriðum Trausti Júlíusson skrifar 27. september 2012 00:01 Blur Hljómsveitin Blur starfaði á árunum 1988-2003. Hún var endurvakin fyrir þremur árum, en hefur ekki gefið út nýtt efni síðan. Í kassanum sem hér er til umfjöllunar er útgáfuferill sveitarinnar gerður upp. Þetta er mikið efni: Átján hljómdiskar, þrír mynddiskar og ein lítil vínylplata auk bókar. Blur sendi frá sér sjö plötur á ferlinum. Þær eru allar endurhljóðblandaðar í 21-boxinu, en hverri þeirra fylgir aukaplata með smáskífulögum, tónleikaefni og öðrum sjaldgæfum upptökum. Að auki eru í boxinu fjórir diskar með áður óútgefnu efni og fyrrnefndir DVD-diskar sem innihalda þrenna tónleika frá árunum 1994 (einir) og 1999 (tvennir). Boxinu fylgir líka kóði sem nota má til að sækja alla þessa tónlist á MP3-skrám og fleira efni, m.a. öll 33 eintökin af Blurb, blaði aðdáendaklúbbs hljómsveitarinnar. Blur var ein mikilvægasta hljómsveit Bretlands á tíunda áratugnum. Hún var hluti af britpop-senunni, en Damon Albarn tók meðvitaða ákvörðun um að Blur skyldi einbeita sér að öllu því sem breskt væri eftir misheppnaða tónleikaferð sveitarinnar til Bandaríkjanna og til að vega upp á móti öllu gruggrokkinu („grunge") sem streymdi frá Ameríku á þessum tíma. Sú ákvörðun var ekki upphafið að britpoppinu, en hún átti þátt í að skilgreina það og gaf af sér bestu plötu Blur, Parklife. Það kom mér á óvart þegar ég fór í gegnum allt þetta efni hvað Blur kom víða við tónlistarlega og hvað heildarverk sveitarinnar er sterkt. Fyrsta og síðasta platan eru lakastar, en allar plöturnar þar á milli eru frábærar, The Great Escape þó síst. Fimmta platan sem heitir einfaldlega Blur er til dæmis algjör snilld og stórt stökk tónlistarlega frá þeirri fjórðu. Það er líka fullt af flottu aukaefni í boxinu, ég man ekki eftir því að hljómsveit hafi verið gerð eins ítarleg skil í einni útgáfu og Blur í þessu boxi. Þarna eru fyrstu upptökur sveitarinnar, frá því að hún hét Seymour, þarna eru allar aðdáendaklúbbsútgáfurnar, demó-upptökur, tónleikaefni. Gæðastaðallinn á þessu öllu er hærri heldur en maður hefði nokkurn tímann þorað að vona. Í bókinni sem fylgir með eru viðtöl við hljómsveitarmeðlimi um allar plöturnar og mikið af myndum og upplýsingum. Á heildina litið er þetta hreint magnaður pakki. Ein flottasta útgáfa sem komið hefur út um nokkra hljómsveit. Draumagripur aðdáandans. Hann kostar líka sitt, en þeir sem ekki vilja allt heila klabbið geta fengið plöturnar sjö hverja fyrir sig í sömu tvöföldu útgáfunum og eru í boxinu. Mest lesið „Fólk í kringum þessa einstaklinga er á nálum“ Lífið Eins og þruma úr heiðskíru lofti Lífið Stjörnulífið: Skvísustælar við bakkann og áminning um óöryggi Lífið Náði að sættast við bróður sinn fyrir andlátið Lífið Gátu ekki talað saman fyrir syngjandi þjónum Lífið Sykursalur orðinn einn vinsælasti veislusalur Reykjavíkur Lífið samstarf Bergrún Íris og Kolbrún keyptu í Hafnarfirði Lífið Fanney Dóra og Aron gáfu syninum nafn Lífið Fylgst með tímaskeiði í lífi konu sem greinist með krabbamein Lífið Byltingarkennd nýjung fyrir blondínur frá JOHN FRIEDA Lífið samstarf Fleiri fréttir Speak No Evil: Pabbi er ekki með fulle fem Maður þurfti ekki að vera skyggn Melódrama, morð og hæfilega mikið bótox Sunna Gunnlaugs í skugga karlrembu á djasshátíð Sjá meira
Hljómsveitin Blur starfaði á árunum 1988-2003. Hún var endurvakin fyrir þremur árum, en hefur ekki gefið út nýtt efni síðan. Í kassanum sem hér er til umfjöllunar er útgáfuferill sveitarinnar gerður upp. Þetta er mikið efni: Átján hljómdiskar, þrír mynddiskar og ein lítil vínylplata auk bókar. Blur sendi frá sér sjö plötur á ferlinum. Þær eru allar endurhljóðblandaðar í 21-boxinu, en hverri þeirra fylgir aukaplata með smáskífulögum, tónleikaefni og öðrum sjaldgæfum upptökum. Að auki eru í boxinu fjórir diskar með áður óútgefnu efni og fyrrnefndir DVD-diskar sem innihalda þrenna tónleika frá árunum 1994 (einir) og 1999 (tvennir). Boxinu fylgir líka kóði sem nota má til að sækja alla þessa tónlist á MP3-skrám og fleira efni, m.a. öll 33 eintökin af Blurb, blaði aðdáendaklúbbs hljómsveitarinnar. Blur var ein mikilvægasta hljómsveit Bretlands á tíunda áratugnum. Hún var hluti af britpop-senunni, en Damon Albarn tók meðvitaða ákvörðun um að Blur skyldi einbeita sér að öllu því sem breskt væri eftir misheppnaða tónleikaferð sveitarinnar til Bandaríkjanna og til að vega upp á móti öllu gruggrokkinu („grunge") sem streymdi frá Ameríku á þessum tíma. Sú ákvörðun var ekki upphafið að britpoppinu, en hún átti þátt í að skilgreina það og gaf af sér bestu plötu Blur, Parklife. Það kom mér á óvart þegar ég fór í gegnum allt þetta efni hvað Blur kom víða við tónlistarlega og hvað heildarverk sveitarinnar er sterkt. Fyrsta og síðasta platan eru lakastar, en allar plöturnar þar á milli eru frábærar, The Great Escape þó síst. Fimmta platan sem heitir einfaldlega Blur er til dæmis algjör snilld og stórt stökk tónlistarlega frá þeirri fjórðu. Það er líka fullt af flottu aukaefni í boxinu, ég man ekki eftir því að hljómsveit hafi verið gerð eins ítarleg skil í einni útgáfu og Blur í þessu boxi. Þarna eru fyrstu upptökur sveitarinnar, frá því að hún hét Seymour, þarna eru allar aðdáendaklúbbsútgáfurnar, demó-upptökur, tónleikaefni. Gæðastaðallinn á þessu öllu er hærri heldur en maður hefði nokkurn tímann þorað að vona. Í bókinni sem fylgir með eru viðtöl við hljómsveitarmeðlimi um allar plöturnar og mikið af myndum og upplýsingum. Á heildina litið er þetta hreint magnaður pakki. Ein flottasta útgáfa sem komið hefur út um nokkra hljómsveit. Draumagripur aðdáandans. Hann kostar líka sitt, en þeir sem ekki vilja allt heila klabbið geta fengið plöturnar sjö hverja fyrir sig í sömu tvöföldu útgáfunum og eru í boxinu.
Mest lesið „Fólk í kringum þessa einstaklinga er á nálum“ Lífið Eins og þruma úr heiðskíru lofti Lífið Stjörnulífið: Skvísustælar við bakkann og áminning um óöryggi Lífið Náði að sættast við bróður sinn fyrir andlátið Lífið Gátu ekki talað saman fyrir syngjandi þjónum Lífið Sykursalur orðinn einn vinsælasti veislusalur Reykjavíkur Lífið samstarf Bergrún Íris og Kolbrún keyptu í Hafnarfirði Lífið Fanney Dóra og Aron gáfu syninum nafn Lífið Fylgst með tímaskeiði í lífi konu sem greinist með krabbamein Lífið Byltingarkennd nýjung fyrir blondínur frá JOHN FRIEDA Lífið samstarf Fleiri fréttir Speak No Evil: Pabbi er ekki með fulle fem Maður þurfti ekki að vera skyggn Melódrama, morð og hæfilega mikið bótox Sunna Gunnlaugs í skugga karlrembu á djasshátíð Sjá meira