Markahrókur og þúsundþjalasmiður Eiríkur Stefán Ásgeirsson skrifar 8. nóvember 2012 07:00 Guðmundur Kristjánsson hefur skorað sex mörk fyrir Start á tímabilinu. Hér er honum fagnað af liðsfélögum sínum. Matthías Vilhjálmsson er lengst til hægri. mynd/Fædrelandsvennen Matthías Vilhjálmsson og Guðmundur Kristjánsson áttu báðir frábært tímabil með IK Start í norsku B-deildinni. Liðið varð meistari um síðustu helgi en báðir vilja spila með liðinu í úrvalsdeildinni á næsta ári. IK Start frá Kristjánssandi varð um helgina meistari í norsku B-deildinni í knattspyrnu. Þar lögðu tveir íslenskir knattspyrnumenn hönd á plóg, þeir Matthías Vilhjálmsson og Guðmundur Kristjánsson. Báðir komu sem lánsmenn frá sínum félögum (FH og Breiðabliki) en þeir hafa fullan hug á því að spila með liðinu í úrvalsdeildinni á næsta ári. Start samdi við FH um forkaupsrétt á Matthíasi en hann gildir til 1. desember. Sams konar samningur á milli Starts og Breiðabliks rann hins vegar út þann 15. október. „Það eina sem ég veit er að félögin eru að tala saman," sagði Guðmundur við Fréttablaðið. „Ég er sjálfur búinn að ná samkomulagi við Start og nú er þetta í höndum félaganna. Menn segja mér hér úti að hafa engar áhyggjur – en það er aldrei hægt að slá neinu föstu í knattspyrnunni." Matthías tekur í svipaðan streng en vonast til þess að þetta gangi í gegn án vandkvæða. „Mér finnst að ég eigi það skilið frá Start og FH enda hef ég verið hliðhollur báðum félögum," segir Matthías. Tróð upp í þjálfarannMatthías hefur spilað sem sóknarmaður allt tímabilið og gengið vel. Hann hefur skorað átján mörk á tímabilinu og er markahæsti leikmaður deildarinnar ásamt einum öðrum fyrir lokaumferðina sem fer fram um helgina. „Það hefur gengið rosalega vel," segir hann. „Ég var heppinn að mér tókst að byrja vel og það létti á pressunni. Síðan hefur liðið allt lagt mikið á sig og staðið sig vel eftir því." Við komuna til Noregs sagði þjálfari Starts við Matthías að hann vildi fá tíu mörk frá honum þetta tímabilið. „Mér fannst það móðgandi og viðeigandi að troða upp í hann með þessum hætti," sagði hann og hló. Matthías spilaði sem fremsti miðjumaður hjá FH í leikkerfinu 4-3-3. Nú spilar hann í tveggja manna sóknarlínu, líkt og íslenska landsliðið gerir undir stjórn Lars Lagerbäck. „Þetta er ólíkt því sem ég gerði hjá FH en það hefur samt gengið vel. Ég hef þó spilað með nýjum sóknarmanni í nánast hverjum leik enda búið að vera mikið um meiðsli í hópnum í sumar." Erfitt að finna taktinn í flakkinuÞað kom meira að segja til þess að þeir Guðmundur og Matthías spiluðu saman í sókninni í tveimur leikjum í sumar. Guðmundur hefur reyndar spilað í flestum stöðum á vellinum hjá Start í sumar – öllum nema markinu. „Við erum með lítinn hóp og þegar menn meiddust var ég settur á flakk. Mér fannst ég leysa það ágætlega en það var engu að síður nokkuð erfitt að finna taktinn almennilega," segir Guðmundur, sem hefur fengið að halda sig á miðjunni á seinni hluta tímabilsins. „Þá hef ég átt mína bestu leiki og mér fannst okkur ganga betur á seinni hluta tímabilsins," segir Guðmundur. „Heilt yfir er ég mjög sáttur við sumarið enda er þetta búið að vera mjög gaman." Þess má geta að Guðmundur var fenginn til Start eftir ábendingu Matthíasar. „Hópurinn var enn í mótun þegar ég kom fyrst út og þjálfarinn spurði mig um fleiri íslenska leikmenn. Ég benti á þann leikmann sem mér fannst alltaf erfiðast að spila við. Það var Gummi," segir Matthías. Stefni á landsliðiðMatthías var valinn í íslenska landsliðið sem mætir Andorra í vináttulandsleik síðar í mánuðinum. Guðmundur þarf þó að bíða enn eftir sínu tækifæri. „Það hefði auðvitað verið gaman að fá tækifærið nú en ég var ekki endilega að gera mér miklar vonir um það. Við eigum marga góða miðjumenn og þjálfarinn skoðar kannski ekki leikmenn í norsku B-deildinni allra fyrst. Ég á kannski betri möguleika á næsta ári ef ég spila í efstu deild hér úti en markmiðið hjá mér er auðvitað að verða betri og komast í landsliðið." Gef bara á MattaSem fyrr segir er Matthías nú markahæstur í norsku B-deildinni ásamt einum öðrum leikmanni með átján mörk. Guðmundur segir að liðið hafi í raun ekki upp á mikið að spila í lokaumferðinni nema að hjálpa Matthíasi að vinna markakóngstitilinn. „Ég hugsa að ég gefi á hann eins mikið og ég mögulega get," segir Guðmundur í léttum tóni. Fótbolti á Norðurlöndum Mest lesið Uppgjörið: Valur - Breiðablik 0-0 | Breiðablik Íslandsmeistari eftir spennutrylli Íslenski boltinn Sjáðu vandræðalegt vítaklúður Viðars Íslenski boltinn Uppgjörið: Breiðablik - Valur 2-2 | Óbreytt staða á toppnum eftir jafntefli á Kópavogsvelli Íslenski boltinn Uppgjörið: Víkingur - Stjarnan 2-2 | Óskar Örn bjargaði stigi fyrir Víking Íslenski boltinn Albert skoraði sigurmarkið eftir að De Gea varði tvær vítaspyrnur Fótbolti Markalaust á Villa Park Enski boltinn Uppgjörið: HK - Fylkir 2-2 | Brynjar Snær felldi Fylki Íslenski boltinn Varafyrirliði Real Madrid sleit krossband Fótbolti Uppgjörið: KA - KR 0-4 | Gott gengi KR heldur áfram Íslenski boltinn Óttast að Alisson sé frá næstu vikurnar Enski boltinn Fleiri fréttir Man United ekki byrjað verr síðan 1989 „Menn eru að henda sér fyrir bolta og hlaupa úr sér lungun“ „Erum ennþá með þetta í okkar höndum“ „Þegar þeir misstíga sig þá misstígum við okkur líka“ Albert skoraði sigurmarkið eftir að De Gea varði tvær vítaspyrnur Hemp í sögubækurnar og Man City á toppinn Sjáðu atvikið: Reiður Rúnar sá rautt „Þú ert skilgreindur af nútíðinni“ Uppgjörið: Víkingur - Stjarnan 2-2 | Óskar Örn bjargaði stigi fyrir Víking Uppgjörið: HK - Fylkir 2-2 | Brynjar Snær felldi Fylki Orri Steinn spilaði ekki í jafntefli gegn Atl. Madríd Uppgjörið: Breiðablik - Valur 2-2 | Óbreytt staða á toppnum eftir jafntefli á Kópavogsvelli Ten Hag: Erum allir á sömu blaðsíðu Ótrúleg endurkoma Brighton „Ég verð bara að setja fleiri í vegginn næst og standa í nærhorninu“ Lewandowski sá um Alavés Uppgjörið: KA - KR 0-4 | Gott gengi KR heldur áfram Uppgjörið: ÍA - FH 4-1 | Skagamenn blanda sér í baráttuna um þriðja sætið Fyrirliði Íslandsmeistaranna hætt Sjáðu vandræðalegt vítaklúður Viðars Forest fékk stig manni færri Markalaust á Villa Park Varði víti frá þremur mismunandi leikmönnum í sama leiknum Sævar Atli braut ísinn og tryggði Lyngby stig Juventus fékk loksins á sig mark Vaknar Árbærinn aftur? Sækja innblástur til kvennaliðsins: „Frábært að fylgjast með þessu“ Sjáðu Andra Rúnar skjóta Fram í kaf Van Nistelrooy hræddur um að hann verði álitinn hafa stungið Ten Hag í bakið Varafyrirliði Real Madrid sleit krossband Sjá meira
Matthías Vilhjálmsson og Guðmundur Kristjánsson áttu báðir frábært tímabil með IK Start í norsku B-deildinni. Liðið varð meistari um síðustu helgi en báðir vilja spila með liðinu í úrvalsdeildinni á næsta ári. IK Start frá Kristjánssandi varð um helgina meistari í norsku B-deildinni í knattspyrnu. Þar lögðu tveir íslenskir knattspyrnumenn hönd á plóg, þeir Matthías Vilhjálmsson og Guðmundur Kristjánsson. Báðir komu sem lánsmenn frá sínum félögum (FH og Breiðabliki) en þeir hafa fullan hug á því að spila með liðinu í úrvalsdeildinni á næsta ári. Start samdi við FH um forkaupsrétt á Matthíasi en hann gildir til 1. desember. Sams konar samningur á milli Starts og Breiðabliks rann hins vegar út þann 15. október. „Það eina sem ég veit er að félögin eru að tala saman," sagði Guðmundur við Fréttablaðið. „Ég er sjálfur búinn að ná samkomulagi við Start og nú er þetta í höndum félaganna. Menn segja mér hér úti að hafa engar áhyggjur – en það er aldrei hægt að slá neinu föstu í knattspyrnunni." Matthías tekur í svipaðan streng en vonast til þess að þetta gangi í gegn án vandkvæða. „Mér finnst að ég eigi það skilið frá Start og FH enda hef ég verið hliðhollur báðum félögum," segir Matthías. Tróð upp í þjálfarannMatthías hefur spilað sem sóknarmaður allt tímabilið og gengið vel. Hann hefur skorað átján mörk á tímabilinu og er markahæsti leikmaður deildarinnar ásamt einum öðrum fyrir lokaumferðina sem fer fram um helgina. „Það hefur gengið rosalega vel," segir hann. „Ég var heppinn að mér tókst að byrja vel og það létti á pressunni. Síðan hefur liðið allt lagt mikið á sig og staðið sig vel eftir því." Við komuna til Noregs sagði þjálfari Starts við Matthías að hann vildi fá tíu mörk frá honum þetta tímabilið. „Mér fannst það móðgandi og viðeigandi að troða upp í hann með þessum hætti," sagði hann og hló. Matthías spilaði sem fremsti miðjumaður hjá FH í leikkerfinu 4-3-3. Nú spilar hann í tveggja manna sóknarlínu, líkt og íslenska landsliðið gerir undir stjórn Lars Lagerbäck. „Þetta er ólíkt því sem ég gerði hjá FH en það hefur samt gengið vel. Ég hef þó spilað með nýjum sóknarmanni í nánast hverjum leik enda búið að vera mikið um meiðsli í hópnum í sumar." Erfitt að finna taktinn í flakkinuÞað kom meira að segja til þess að þeir Guðmundur og Matthías spiluðu saman í sókninni í tveimur leikjum í sumar. Guðmundur hefur reyndar spilað í flestum stöðum á vellinum hjá Start í sumar – öllum nema markinu. „Við erum með lítinn hóp og þegar menn meiddust var ég settur á flakk. Mér fannst ég leysa það ágætlega en það var engu að síður nokkuð erfitt að finna taktinn almennilega," segir Guðmundur, sem hefur fengið að halda sig á miðjunni á seinni hluta tímabilsins. „Þá hef ég átt mína bestu leiki og mér fannst okkur ganga betur á seinni hluta tímabilsins," segir Guðmundur. „Heilt yfir er ég mjög sáttur við sumarið enda er þetta búið að vera mjög gaman." Þess má geta að Guðmundur var fenginn til Start eftir ábendingu Matthíasar. „Hópurinn var enn í mótun þegar ég kom fyrst út og þjálfarinn spurði mig um fleiri íslenska leikmenn. Ég benti á þann leikmann sem mér fannst alltaf erfiðast að spila við. Það var Gummi," segir Matthías. Stefni á landsliðiðMatthías var valinn í íslenska landsliðið sem mætir Andorra í vináttulandsleik síðar í mánuðinum. Guðmundur þarf þó að bíða enn eftir sínu tækifæri. „Það hefði auðvitað verið gaman að fá tækifærið nú en ég var ekki endilega að gera mér miklar vonir um það. Við eigum marga góða miðjumenn og þjálfarinn skoðar kannski ekki leikmenn í norsku B-deildinni allra fyrst. Ég á kannski betri möguleika á næsta ári ef ég spila í efstu deild hér úti en markmiðið hjá mér er auðvitað að verða betri og komast í landsliðið." Gef bara á MattaSem fyrr segir er Matthías nú markahæstur í norsku B-deildinni ásamt einum öðrum leikmanni með átján mörk. Guðmundur segir að liðið hafi í raun ekki upp á mikið að spila í lokaumferðinni nema að hjálpa Matthíasi að vinna markakóngstitilinn. „Ég hugsa að ég gefi á hann eins mikið og ég mögulega get," segir Guðmundur í léttum tóni.
Fótbolti á Norðurlöndum Mest lesið Uppgjörið: Valur - Breiðablik 0-0 | Breiðablik Íslandsmeistari eftir spennutrylli Íslenski boltinn Sjáðu vandræðalegt vítaklúður Viðars Íslenski boltinn Uppgjörið: Breiðablik - Valur 2-2 | Óbreytt staða á toppnum eftir jafntefli á Kópavogsvelli Íslenski boltinn Uppgjörið: Víkingur - Stjarnan 2-2 | Óskar Örn bjargaði stigi fyrir Víking Íslenski boltinn Albert skoraði sigurmarkið eftir að De Gea varði tvær vítaspyrnur Fótbolti Markalaust á Villa Park Enski boltinn Uppgjörið: HK - Fylkir 2-2 | Brynjar Snær felldi Fylki Íslenski boltinn Varafyrirliði Real Madrid sleit krossband Fótbolti Uppgjörið: KA - KR 0-4 | Gott gengi KR heldur áfram Íslenski boltinn Óttast að Alisson sé frá næstu vikurnar Enski boltinn Fleiri fréttir Man United ekki byrjað verr síðan 1989 „Menn eru að henda sér fyrir bolta og hlaupa úr sér lungun“ „Erum ennþá með þetta í okkar höndum“ „Þegar þeir misstíga sig þá misstígum við okkur líka“ Albert skoraði sigurmarkið eftir að De Gea varði tvær vítaspyrnur Hemp í sögubækurnar og Man City á toppinn Sjáðu atvikið: Reiður Rúnar sá rautt „Þú ert skilgreindur af nútíðinni“ Uppgjörið: Víkingur - Stjarnan 2-2 | Óskar Örn bjargaði stigi fyrir Víking Uppgjörið: HK - Fylkir 2-2 | Brynjar Snær felldi Fylki Orri Steinn spilaði ekki í jafntefli gegn Atl. Madríd Uppgjörið: Breiðablik - Valur 2-2 | Óbreytt staða á toppnum eftir jafntefli á Kópavogsvelli Ten Hag: Erum allir á sömu blaðsíðu Ótrúleg endurkoma Brighton „Ég verð bara að setja fleiri í vegginn næst og standa í nærhorninu“ Lewandowski sá um Alavés Uppgjörið: KA - KR 0-4 | Gott gengi KR heldur áfram Uppgjörið: ÍA - FH 4-1 | Skagamenn blanda sér í baráttuna um þriðja sætið Fyrirliði Íslandsmeistaranna hætt Sjáðu vandræðalegt vítaklúður Viðars Forest fékk stig manni færri Markalaust á Villa Park Varði víti frá þremur mismunandi leikmönnum í sama leiknum Sævar Atli braut ísinn og tryggði Lyngby stig Juventus fékk loksins á sig mark Vaknar Árbærinn aftur? Sækja innblástur til kvennaliðsins: „Frábært að fylgjast með þessu“ Sjáðu Andra Rúnar skjóta Fram í kaf Van Nistelrooy hræddur um að hann verði álitinn hafa stungið Ten Hag í bakið Varafyrirliði Real Madrid sleit krossband Sjá meira
Uppgjörið: Valur - Breiðablik 0-0 | Breiðablik Íslandsmeistari eftir spennutrylli Íslenski boltinn
Uppgjörið: Breiðablik - Valur 2-2 | Óbreytt staða á toppnum eftir jafntefli á Kópavogsvelli Íslenski boltinn
Uppgjörið: Valur - Breiðablik 0-0 | Breiðablik Íslandsmeistari eftir spennutrylli Íslenski boltinn
Uppgjörið: Breiðablik - Valur 2-2 | Óbreytt staða á toppnum eftir jafntefli á Kópavogsvelli Íslenski boltinn