Lárus með réttarstöðu sakbornings í 12 málum til viðbótar Þorbjörn Þórðarson skrifar 16. janúar 2013 12:08 Lárus Welding ásamt verjanda sínum Óttari Pálssyni. Lárus Welding, fyrrverandi forstjóri Glitnis, er með réttarstöðu sakbornings í 12 málum hjá sérstökum saksóknara til viðbótar við þau sem eru til meðferðar fyrir dómstólum. Þá hleypur kostnaður hans af vörnum og í einka- og sakamálum vegna hrunsins á tugum milljóna króna. Þetta kom fram í máli verjanda hans í Héraðsdómi Reykjavíkur í morgun. Í morgun var málflutningur í Aurum-málinu svokallaða annars vegar um þá kröfu verjenda í málinu að hafna beri framlagningu rannsóknarskýrslu sérstaks saksóknara þar sem framlagning hennar sé óheimil samkvæmt sakamálalögum og hins vegar kröfu verjanda Lárusar Welding um að fresta ákæru í málinu þangað til botn fæst í önnur mál hjá sérstökum saksóknara þar sem hann er grunaður um refsiverða háttsemi. Þeir Lárus Welding, fyrrverandi forstjóri Glitnis, Jón Ásgeir Jóhannesson, sem var aðaleigandi bankans, Magnús Arnar Arngrímsson og Bjarni Jóhannesson, fyrrverandi starfsmenn Glitnis, eru ákærðir fyrir umboðssvik vegna sex milljarða króna láns sem Glitnir veitti félaginu FS38 ehf. vorið 2008, til kaupa hlutabréf í Aurum Holdings af Fons, fjárfestingarfélagi Pálma Haraldssonar, en FS38 ehf. var dótturfélag Fons. Fram kemur í 56.gr. sakamálalaga að lögregla taki saman skýrslu um rannsókn í hverju máli um sig þar sem getið skal einstakra rannsóknaraðgerða og niðurstöðu þeirra. Verjendur ákærðu í málinu telja að sú skýrsla sem sérstakur saksóknari lagði fram í málinu gangi mun lengra en fyrirmæli laganna og sé í raun dæmi um skriflegan málflutning, sem gangi í berhögg við þá meginreglu að málflutningur í sakamálum skuli vera munnlegur. Af þessum sökum beri að hafna framlagningu skjalsins. Gestur Jónsson, verjandi Jóns Ásgeirs, sagði að skýrslan væri andstæð leiðbeiningum Hæstaréttar í nýlegum dómum. Hann sagði slæmt fyrir réttarkerfið almennt ef saksóknarar kæmust upp með að leggja fram skýrslur af þessu tagi athugasemdalaust. „Afleiðing þess að dómstólar hafi ekki eftirlit með þessu er sú að málflutningur í sakamálum færist yfir í skriflegan málflutning," sagði Gestur. Ólafur Þór Hauksson, sérstakur saksóknari, andmælti þessu og sagði að ákæruvaldið hefði mat um innihald þessara skýrslna og þá hefði ákæruvaldið almennt mat um það hvaða skjöl þyrfti að leggja fram. Sönnunarmatið væri á hendi dómara og eftir atvikum gætu verjendur borið brigður á sönnunargögn síðar í málsmeðferðinni.Með réttarstöðu sakbornings í 12 málum og hefur lagt út tugi milljóna króna í málskostnað Óttar Pálsson, verjandi Lárusar, fór fram á að ákæru yrði frestað. Við málflutning um þessa kröfu í morgun sagði Óttar að Lárus væri með réttarstöðu sakbornings í 12 málum hjá sérstökum saksóknara. Málin snerust flest um lánveitingar þar sem Lárusi væri gefið að sök hafa stefnt fé Glitnis í hættu, rétt eins og í Aurum-málinu. Í engu þessara mála væri Lárusi gefið að sök að hafa aflað sjálfum sér persónulegs ávinnings. Óttar sagði það rétt Lárusar samkvæmt sakamálalögum að um þessi mál væri fjallað í einu lagi og því bæri að fresta ákærunni. Hann sagði að kostnaður Lárusar af málsvörnum í einka- og sakamálum eftir hrunið hlypi samtals á tugum milljóna króna. Bæði væri það kostnaðarsamt að taka til varna í mörgum ólíkum málum og þá kynnu varnir í einu máli að hafa áhrif á varnir í öðru. Ólafur Þór Hauksson, sérstakur saksóknari, sagði að rannsóknum í þessum tólf málum væri ekki lokið og óvíst hvort þeim myndi ljúka með útgáfu ákæru.Eru þessi mál öll vegna lánveitinga þar sem grunur leikur á að fé bankans hafi verið stefnt í hættu? „Þessi mál öll tengjast starfi Lárusar fyrir Glitni, en ég get ekki farið í að skilgreina nákvæmlega um hvað þessi mál eru," segir Ólafur Þór Hauksson, sérstakur saksóknari í viðtali við fréttastofu að loknu þinghaldi.Mun rannsóknum í þessum málum ljúka á þessu ári, eins og verjandi Lárusar nefndi? „Það er áætlun embættisins að ljúka þessum rannsóknum á þessu ári, en það eru settir allir fyrirvarar við það. Rannsóknir hafa haft þá tilhneigingu að dragast eilítið á langinn, en þetta er það markmið sem við höfum sett okkur." Dómari í málinu mun í næstu viku úrskurða um kröfur verjenda annars vegar um framlagningu rannsóknarskýrslu og hins vegar frestun ákærunnar. thorbjorn@stod2.is Aurum Holding málið Mest lesið Föst í Portúgal: „Siðlaust“ að fljúga vélunum út í morgun Innlent Bílstjórinn þrettán ára Innlent Lítur svo á að hann njóti ekki trausts og hefur beðist lausnar Innlent Sjokk, stress og særindi í Leifsstöð Innlent Ekki erfitt að vera föst í 25 gráðum en ástæðan sorgleg Innlent Orrustuþotur yfir Borgundarhólmi og drónar trufla flug í Noregi Erlent Fyrrverandi landgönguliði drap að minnsta kosti fjóra í Michigan Erlent Tilkynnt um dróna yfir Keflavíkurflugvelli Innlent „Óvænt og líka mjög leiðinlegt“ Innlent Banaslys á Skagavegi 2024: Drukknaði eftir að hafa misst stjórn í beygju Innlent Fleiri fréttir Fall Play frá öllum hliðum Tilkynnt um dróna yfir Keflavíkurflugvelli Þriggja ára fangelsi: Tók ekki mark á lygilegri frásögn Neyðast til að millilenda, tapaður peningur og rándýr flug heim Lítur svo á að hann njóti ekki trausts og hefur beðist lausnar Banaslys á Skagavegi 2024: Drukknaði eftir að hafa misst stjórn í beygju Sjokk, stress og særindi í Leifsstöð Bein útsending: Lýðheilsuvísar 2025 kynntir Ekki erfitt að vera föst í 25 gráðum en ástæðan sorgleg „Óvænt og líka mjög leiðinlegt“ Play hættir að fljúga, hundruð missa vinnuna og strandaglópar í Leifsstöð Föst í Portúgal: „Siðlaust“ að fljúga vélunum út í morgun Fara yfir stöðuna vegna Play og skipuleggja sig Bílstjórinn þrettán ára Vísað burtu af hóteli og svo handtekinn í sameign 29 prósent heimila skipuð einstæðingum: „Meðvituð ákvörðun til að njóta frelsis“ Aldrei neinn afsláttur gefinn í flugprófunum Allt niður í þriggja mánaða fiðluleikara „Virðist bitna á saklausum ferðamönnum“ „Ákveðinn miski“ að geta ekki treyst vatninu Flúði próflaus undan lögreglu með einum of marga farþega þegar bíllinn valt Umfangsmiklar árásir og símengað neysluvatn Báturinn áður sokkið í sömu höfn og án skýringar Drukkinn ökumaður keyrði á þrjá bíla og reyndi að stinga af Um 200 nemendur eru í lögreglunámi á Akureyri Skora á Snorra að gefa kost á sér Bíll valt eftir flótta undan lögreglu og þrír slösuðust Reiknað með afskiptum af öllum samkomum Vítisengla Lögreglan með málið til rannsóknar Áframhaldandi aðgerðir gegn Vítisenglum Sjá meira
Lárus Welding, fyrrverandi forstjóri Glitnis, er með réttarstöðu sakbornings í 12 málum hjá sérstökum saksóknara til viðbótar við þau sem eru til meðferðar fyrir dómstólum. Þá hleypur kostnaður hans af vörnum og í einka- og sakamálum vegna hrunsins á tugum milljóna króna. Þetta kom fram í máli verjanda hans í Héraðsdómi Reykjavíkur í morgun. Í morgun var málflutningur í Aurum-málinu svokallaða annars vegar um þá kröfu verjenda í málinu að hafna beri framlagningu rannsóknarskýrslu sérstaks saksóknara þar sem framlagning hennar sé óheimil samkvæmt sakamálalögum og hins vegar kröfu verjanda Lárusar Welding um að fresta ákæru í málinu þangað til botn fæst í önnur mál hjá sérstökum saksóknara þar sem hann er grunaður um refsiverða háttsemi. Þeir Lárus Welding, fyrrverandi forstjóri Glitnis, Jón Ásgeir Jóhannesson, sem var aðaleigandi bankans, Magnús Arnar Arngrímsson og Bjarni Jóhannesson, fyrrverandi starfsmenn Glitnis, eru ákærðir fyrir umboðssvik vegna sex milljarða króna láns sem Glitnir veitti félaginu FS38 ehf. vorið 2008, til kaupa hlutabréf í Aurum Holdings af Fons, fjárfestingarfélagi Pálma Haraldssonar, en FS38 ehf. var dótturfélag Fons. Fram kemur í 56.gr. sakamálalaga að lögregla taki saman skýrslu um rannsókn í hverju máli um sig þar sem getið skal einstakra rannsóknaraðgerða og niðurstöðu þeirra. Verjendur ákærðu í málinu telja að sú skýrsla sem sérstakur saksóknari lagði fram í málinu gangi mun lengra en fyrirmæli laganna og sé í raun dæmi um skriflegan málflutning, sem gangi í berhögg við þá meginreglu að málflutningur í sakamálum skuli vera munnlegur. Af þessum sökum beri að hafna framlagningu skjalsins. Gestur Jónsson, verjandi Jóns Ásgeirs, sagði að skýrslan væri andstæð leiðbeiningum Hæstaréttar í nýlegum dómum. Hann sagði slæmt fyrir réttarkerfið almennt ef saksóknarar kæmust upp með að leggja fram skýrslur af þessu tagi athugasemdalaust. „Afleiðing þess að dómstólar hafi ekki eftirlit með þessu er sú að málflutningur í sakamálum færist yfir í skriflegan málflutning," sagði Gestur. Ólafur Þór Hauksson, sérstakur saksóknari, andmælti þessu og sagði að ákæruvaldið hefði mat um innihald þessara skýrslna og þá hefði ákæruvaldið almennt mat um það hvaða skjöl þyrfti að leggja fram. Sönnunarmatið væri á hendi dómara og eftir atvikum gætu verjendur borið brigður á sönnunargögn síðar í málsmeðferðinni.Með réttarstöðu sakbornings í 12 málum og hefur lagt út tugi milljóna króna í málskostnað Óttar Pálsson, verjandi Lárusar, fór fram á að ákæru yrði frestað. Við málflutning um þessa kröfu í morgun sagði Óttar að Lárus væri með réttarstöðu sakbornings í 12 málum hjá sérstökum saksóknara. Málin snerust flest um lánveitingar þar sem Lárusi væri gefið að sök hafa stefnt fé Glitnis í hættu, rétt eins og í Aurum-málinu. Í engu þessara mála væri Lárusi gefið að sök að hafa aflað sjálfum sér persónulegs ávinnings. Óttar sagði það rétt Lárusar samkvæmt sakamálalögum að um þessi mál væri fjallað í einu lagi og því bæri að fresta ákærunni. Hann sagði að kostnaður Lárusar af málsvörnum í einka- og sakamálum eftir hrunið hlypi samtals á tugum milljóna króna. Bæði væri það kostnaðarsamt að taka til varna í mörgum ólíkum málum og þá kynnu varnir í einu máli að hafa áhrif á varnir í öðru. Ólafur Þór Hauksson, sérstakur saksóknari, sagði að rannsóknum í þessum tólf málum væri ekki lokið og óvíst hvort þeim myndi ljúka með útgáfu ákæru.Eru þessi mál öll vegna lánveitinga þar sem grunur leikur á að fé bankans hafi verið stefnt í hættu? „Þessi mál öll tengjast starfi Lárusar fyrir Glitni, en ég get ekki farið í að skilgreina nákvæmlega um hvað þessi mál eru," segir Ólafur Þór Hauksson, sérstakur saksóknari í viðtali við fréttastofu að loknu þinghaldi.Mun rannsóknum í þessum málum ljúka á þessu ári, eins og verjandi Lárusar nefndi? „Það er áætlun embættisins að ljúka þessum rannsóknum á þessu ári, en það eru settir allir fyrirvarar við það. Rannsóknir hafa haft þá tilhneigingu að dragast eilítið á langinn, en þetta er það markmið sem við höfum sett okkur." Dómari í málinu mun í næstu viku úrskurða um kröfur verjenda annars vegar um framlagningu rannsóknarskýrslu og hins vegar frestun ákærunnar. thorbjorn@stod2.is
Aurum Holding málið Mest lesið Föst í Portúgal: „Siðlaust“ að fljúga vélunum út í morgun Innlent Bílstjórinn þrettán ára Innlent Lítur svo á að hann njóti ekki trausts og hefur beðist lausnar Innlent Sjokk, stress og særindi í Leifsstöð Innlent Ekki erfitt að vera föst í 25 gráðum en ástæðan sorgleg Innlent Orrustuþotur yfir Borgundarhólmi og drónar trufla flug í Noregi Erlent Fyrrverandi landgönguliði drap að minnsta kosti fjóra í Michigan Erlent Tilkynnt um dróna yfir Keflavíkurflugvelli Innlent „Óvænt og líka mjög leiðinlegt“ Innlent Banaslys á Skagavegi 2024: Drukknaði eftir að hafa misst stjórn í beygju Innlent Fleiri fréttir Fall Play frá öllum hliðum Tilkynnt um dróna yfir Keflavíkurflugvelli Þriggja ára fangelsi: Tók ekki mark á lygilegri frásögn Neyðast til að millilenda, tapaður peningur og rándýr flug heim Lítur svo á að hann njóti ekki trausts og hefur beðist lausnar Banaslys á Skagavegi 2024: Drukknaði eftir að hafa misst stjórn í beygju Sjokk, stress og særindi í Leifsstöð Bein útsending: Lýðheilsuvísar 2025 kynntir Ekki erfitt að vera föst í 25 gráðum en ástæðan sorgleg „Óvænt og líka mjög leiðinlegt“ Play hættir að fljúga, hundruð missa vinnuna og strandaglópar í Leifsstöð Föst í Portúgal: „Siðlaust“ að fljúga vélunum út í morgun Fara yfir stöðuna vegna Play og skipuleggja sig Bílstjórinn þrettán ára Vísað burtu af hóteli og svo handtekinn í sameign 29 prósent heimila skipuð einstæðingum: „Meðvituð ákvörðun til að njóta frelsis“ Aldrei neinn afsláttur gefinn í flugprófunum Allt niður í þriggja mánaða fiðluleikara „Virðist bitna á saklausum ferðamönnum“ „Ákveðinn miski“ að geta ekki treyst vatninu Flúði próflaus undan lögreglu með einum of marga farþega þegar bíllinn valt Umfangsmiklar árásir og símengað neysluvatn Báturinn áður sokkið í sömu höfn og án skýringar Drukkinn ökumaður keyrði á þrjá bíla og reyndi að stinga af Um 200 nemendur eru í lögreglunámi á Akureyri Skora á Snorra að gefa kost á sér Bíll valt eftir flótta undan lögreglu og þrír slösuðust Reiknað með afskiptum af öllum samkomum Vítisengla Lögreglan með málið til rannsóknar Áframhaldandi aðgerðir gegn Vítisenglum Sjá meira