Ostwald Helgason fellur í kramið

Hálfíslenska hönnunartvíeykið Ingvar Helgason og Susanne Ostwald frumsýndu haust – og vetrarlínu sína á tískuvikunni í New York á laugardaginn. Virtir tískumiðlar á borð við Refinery29, Style.com og Womens Wear Daily hafa strax tekið línunni fagnandi og lofsamað hana í umfjöllunum sínum. Auk þess hafa the Guardian og Vogue nýlega birt greinar þar sem mælt er með að fylgjast vel með Ostwald Helgason á næstu mánuðum og árum. Hér sjáum við myndir af línunni umtöluðu sem var meðal annars innblásin af sögunni um Litlu hryllingsbúðina.

Það er allt upp á við hjá Ostwald Helgason. Þeir sem vilja fylgjast betur með þeim geta gert það á Facebook, Twitter eða á Ostwaldhelgason.com