Nýr veitingastaður opnar á Hótel Borg

Meðfylgjandi myndir voru teknar í kvöld þegar veitingamennirnir Völundur Snær Völundarson og Haukur Víðisson opnuðu formlega stórglæsilegan veitingastað á Hótel Borg sem ber heitið Borgin. Veitingastaðurinn hefur gengið í gegnum miklar breytingar sem innanhússarkitektinn Hanna Stína sá um.

Meistarakokkurinn Völundur Snær sem flutti ásamt Þóru Sigurðardóttur eiginkonu sinni og tveimur börnum frá Bahamaeyjum á síðasta ári er þekktur fyrir að leggja höfuðáherslu á yfirburða gæði og ekki síður hugmyndaauðgi í því úrvali gómsætra rétta sem hann matreiðir og það sást greinilega á réttunum sem Borgin hefur upp á að bjóða.

Borgin á Facebook.