Víkingur og Valur í góðum málum

Stjarnan skoraði aðeins fimm mörk í fyrri hálfleik þegar að liðið tapaði fyrir Víkingi á heimavelli, 19-16, er umspilskeppni N1-deildar karla hófst í kvöld.

Fjögur lið keppa um eitt laust sæti í N1-deild karla á næstu leiktíð. Það eru Valur (7. sæti N1-deildar karla) og 1. deildarliðin Stjarnan (2. sæti), Víkingur (3. sæti) og Grótta (4. sæti).

Fyrstu leikir undanúrslitarimmanna fóru fram í kvöld en tvo sigra þarf til að komast áfram í lokaúrslitin.

Valur vann sjö marka sigur á Gróttu á heimavelli, 30-23, þar sem Finnur Ingi Stefánsson skoraði tólf mörk. Valsmenn eru því góðri stöðu og geta klárað rimmuna á Seltjarnarnesi á fimmtudagskvöldið.

Víkingur gerði þá góða ferð í Garðabæinn og vann Stjörnuna, 19-16. Heimamenn skoruðu aðeins fimm mörk í fyrri hálfleik og eiga nú erfitt verkefni fyrir höndum í Víkinni.

Úrslit og markaskorarar:

Stjarnan - Víkingur 16-19 (5-10)

Mörk Stjörnunnar: Guðmundur Guðmundsson 5, Egill Magnússon 4, Hilmar Pálsson 3, Andri Hjartar Grétarsson 2, Finnur Jónnsson 1, Þröstur Þráinsson 1.

Mörk Víkings: Arnar Theodórsson 7, Hlynur Elmar Matthíasson 5, Jóhann R. Gunnlaugsson 3, Jón Hjálmarson 2, Atli Hjörvar Einarsson 1, Egill Björgvinsson.

Valur - Grótta 30-23 (16-12)

Mörk Vals: Finnur Ingi Stefánsson 12, Valdimar Fannar Þórsson 5, Gunnar Harðarson 3, Nikola Dokic 3, Sveinn Aron Sveinsson 2, Vignir Stefánsson 2, Hjalti Þór Pálmason 1, Atli Már Báruson 1, Þorgrímur Smári Ólafsson 1.

Mörk Gróttu: Þórir Jökull Finnbogason 7, Aron Valur Jóhannsson 5, Þráinn Orri Jónsson 3, Friðgeir Elí Jónasson 3, Júlíus Þórir Stefánsson 2, Árni Benedikt Árnason 1, Óli Björn Vilhjálmsson 1, Kristján Þór Karlsson 1.