Um 700 manns á fundi með Bjarna Benediktssyni

Um 700 manns eru mættir á fund frambjóðenda Sjálfstæðisflokksins í Garðabæ þar sem Bjarni Benediktsson er ásamt Hönnu Birnu Kristjánsdóttur.

Bjarni sagði í viðtali við RÚV síðasta fimmtudag, að hann íhugaði að stíga til hliðar eftir að skoðanakönnun birtist í Viðskiptablaðinu sem sýndi að flokkurinn nyti mun meiri stuðnings væri Hanna Birna formaður hans.

Hanna Birna lýsti raunar yfir stuðningi við formanninn í kvöldfréttum RÚV í gærkvöldi auk þess sem fjöldinn allur af Sjálfstæðismönnum hafa sýnt stuðning sinn við Bjarna á síðustu dögum.

Það er ljóst að flokkurinn á í töluverðum vandræðum, ekki síst vegna lélegs gengis flokksins í skoðanakönnunum. Talið er að Bjarni muni tilkynna á fundinum hvort hann haldi áfram sem formaður eða segi af sér.