Kosningavökur víða - sendið okkur myndir

Það verða kosningavökur haldnar víða í kvöld. Í Reykjavík verða flestir flokkanna með kosningavökur og má búast við misgóðri stemmningu eftir fyrstu tölur, en það er ljóst að það verður mikil spenna á öllum vígstöðvum.

Sjálfstæðisflokkurinn verður meðal annars með vöku á Hótel Nordica, Píratarnir verða á Kaffi Reykjavík og Hægri grænir verða á Sólon. Þá verða Framsóknarmennirnir á Hótel Borg og Björt Framtíð fagnar í Víkinni, sjóminjasafninu. Þá verður Dögun á skemmtistaðnum Boston.

Auðvitað eru kosningavökur víðar, og lesendur eru hvattir til þess að senda Vísi skilaboð um stemmningu á sínum kosningavökum og myndir með. Vísir mun svo greina frá andrúmslofti kosningavaka kvöldsins eftir föngum.

Til þess að senda myndir og skilaboð er hægt að senda okkur póst á ritstjorn@visir.is.