Ekkert nýtt í málinu segir ÍLS

Íbúðalánasjóður hefur sent Kauphöllinni yfirlýsingu vegna frétta um breytingar á skilmálum skuldabréfa sjóðsins. Í henna segir að ekkert nýtt sé að frétta í málinu.

Yfirlýsingin hljóðar svo: „Endurtekning fjölmiðlaumræðu um breytingar á skilmálum skuldabréfa Íbúðalánasjóðs kallar ekki á nýjar yfirlýsingar af hálfu sjóðsins. Staðreyndir málsins hafa ekki breyst og Íbúðalánasjóður ítrekar eingöngu fyrri yfirlýsingu. Skilmálum útgefinna skuldabréfa verður ekki breytt nema með samkomulagi við eigendur þeirra.“