Nýtt handboltalið á Akureyri

Íþróttafélagið Hamrarnir á Akureyri hafa boðað til blaðamannafundar á morgun þar sem stofnun handknattleiksdeildar verður kynnt.

Hamrarnir stefna á þátttöku í 1. deild karla á næstu leiktíð en liðið er staðsett á Akureyri. Akureyri teflir þegar fram meistaraflokki karla í efstu deild sem ber heiti bæjarsins en nú verður bærinn einnig með lið í næstefstu deild.

Á dögunum tilkynntu KR-ingar þátttöku sína í 1. deild karla og því ljóst að handboltaliðum landsins fjölgar þessar vikurnar.

Stofnfundur Hamranna fer fram í KA-heimilinu annað kvöld klukkan 20 og eru allir velkomnir.