147 milljóna króna hagnaður af rekstri Lauga

Hagnaður Lauga ehf. árið 2012 nam 147 milljónum króna samanborið við 63 milljóna tap árið 2011. Á sama tíma var eigið fé samstæðunnar, sem rekur líkamsræktarstöðvar World Class, neikvætt um 107 milljónir króna.  Frá þessu er greint í Viðskiptablaðinu.

Þar segir að sala aðgangskorta og veitinga í líkamsræktarstöðvum samstæðunnar hafi skilað um 1,7 milljarði króna í tekjur á síðasta ári.

Laugar ehf. er í eigu Hafdísar Jónsdóttur, Björns Leifssonar og Sigurðar Leifssonar.