Sjö marka sigur Fram - öll úrslitin í kvennahandboltanum í dag

Fram vann sjö marka sigur á Fylki í síðasta leik dagsins í Olís-deild kvenna í handbolta. Fram vann leikinn 28-21 eftir að hafa verið sex mörkum yfir í hálfleik, 18-12.

Sigurbjörg Jóhannsdóttir skoraði níu mörk fyrir Fram í kvöld og þær Hekla Rún Ámundadóttir og Ásta Birna Gunnarsdóttir voru báðar með sex mörk.

Fram, Stjarnan, Valur, FH, og Grótta unnu öll leiki sína í dag en allt voru þetta sannfærandi sigrar og sá minnsti var sex marka sigur Vals á Haukum.

Fylkiskonan Díana Kristín Sigmarsdóttir skoraði tíu mörk á móti Fram og var ein af þremur leikmönnum sem brutu tíu marka múrinn í dag. Hinar voru þær Marija Gedroit hjá Haukum sem skoraði tólf mörk í tapi á móti Val og FH-ingurinn Steinunn Snorradóttir sem skoraði tíu mörk í sigri á KA/Þór.

Hér fyrir neðan má sjö öll úrslit og alla markaskorara í leikjum dagsins sem voru allir í fimmtu umferð deildarinnar.



Úrslit og markaskorarar í Olís-deild kvenna í dag:

Fram - Fylkir 28-21 (18-12)

Mörk Fram: Sigurbjörg Jóhannsdóttir 9, Hekla Rún Ámundadóttir 6, Ásta Birna Gunnarsdóttir 6, Hafdís Shizuka Iura 2, María Karlsdóttir 2, Steinunn Björnsdóttir 2, Ragnheiður Júlíusdóttir 1.

Mörk Fylkis: Díana Kristín Sigmarsdóttir 10, Thea Imani Sturludóttir 5, Júlíja Zukovska 3, Andrea Ósk Þorkelsdóttir 1, Hildur Björnsdóttir 1, Karen Þorsteinsdóttir 1.



Stjarnan - HK 37-24 (21-7)

Mörk Stjörnunnar: Hanna Guðrún Stefánsdóttir 9, Sólveig Lára Kjærnested 8, Rakel Dögg Bragadóttir 4, Guðrún Ósk Kristjánsdóttir 4, Hildur Harðardóttir 3, Esther Viktoria Ragnarsdóttir 3, Jóna Margrét Ragnarsdóttir 2, Sandra Sif Sigurjónsdóttir 2, Helena Örvarsdóttir 1, Þórhildur Gunnarsdóttir 1.

Mörk HK: Guðrún Erla Bjarnadóttir 6, Fanney Þóra Þórsdóttir 4, Þórhildur Braga Bragadóttir 4, Valgerður Ýr Þorsteinsdóttir 3, Anna María Guðmundsdóttir 2, Nataly Sæunn Valencia 2, Sóley Ívarsdóttir 1, Margrét Stefanía Þorkelsdóttir 1

Aníta Björk Bárðardóttir 1.



Selfoss - Grótta 18-27 (9-13)

Mörk Selfoss: Þuríður Guðjónsdóttir 6, Dagmar Öder Einarsdóttir 3, Kara Rún Árnadóttir 2, Hulda Dís Þrastardóttir 2, Thelma Sif Kristjánsdóttir  2, Hildur Öder Einarsdóttir 2, Hrafnhildur Hanna Þrastardóttir 1.

Mörk Gróttu: Laufey Ásta Guðmundsdóttir 7, Unnur Ómarsdóttir 7, Lene Burmo 5, Þórunn Friðriksdóttir 3, Sóley Arnarsdóttir 2, Anett Köbli 1, Sigrún Birna Arnardóttir 1, Guðný Hjaltadóttir 1.



Haukar - Valur 22-28 (11-12)

Mörk Hauka: Marija Gedroit 12, Ragnheiður Ragnarsdóttir 3, Viktoria Valdimarsdóttir 3, Agnes Ósk Egilsdóttir 2, Silja Ísberg 1, Áróra Eir Pálsdóttir 1.

Mörk Vals: Hrafnhildur Skúladóttir 9, Ragnhildur Rósa Guðmundsdóttir    6, Kristín Guðmundsdóttir 4, Karolína Bæhrenz Lárusdóttir 4, Rebekka Rut Skúladóttir 3, Bryndís Elín Halldórsdóttir 1, Marnela Ana Gherman 1.



FH - KA/Þór 27-19 (16-11)

Mörk FH: Steinunn Snorradóttir 10, Heiðdís Rún Guðmundsdóttir 5,

Berglind Ósk Björgvinsdóttir 4, Sigrún Jóhannsdóttir 3, Ingibjörg Pálmadóttir 2, Aníta Mjöll Ægisdóttir 2, Hulda Bryndís Tryggvadóttir 1.

Mörk KA/Þór: Birta Fönn Sveinsdóttir 4, Martha Hermannsdóttir 4, Simone Pedersen 3, Erla Hleiður Tryggvadóttir 3, Arna Valgerður Erlingsdóttir 3, Lilja Sif Þórisdóttir 1, Laufey Lára Höskuldsdóttir 1.