Black Sabbath á Íslandi um helgina

Fyrsta þungarokksveitin, Black Sabbath er um þessar mundir líklegast í sinni síðustu tónleikaferð um heiminn til að fylgja eftir nýjustu plötu sveitarinnar sem ber heitið 13. Þetta er fyrsta platan sem upprunalegi söngvari sveitarinnar, Ozzy Osbourne syngur með Black Sabbath síðan 1978. Hallur Ingólfsson og Franz Gunnarsson mættu í miðdegisþáttinn Ómar á X-977 til að ræða sveitina og áhrif hennar. Viðtalið má heyra hér fyrir ofan.

Að því tilefni verða haldnir tvennir heiðurstónleikar til heiðurs Black Sabbath. Fyrri tónleikarnir verða föstudaginn 8. nóvember á Græna Hattinum á Akureyri. Seinni tónleikarnir verða laugardaginn 9. nóvember á Gamla Gauknum í Reykjavík.

Efniviður tónleikana er fenginn að meirihluta úr lagasarpi sveitarinnar sem að Ozzy Osbourne syngur. Um er að ræða lög sem eru orðin að klassík í heimi þungarokksins, lög sem allir sannir rokkunnendur dýrka og dá.

Heiðurssveitina skipa:

Söngur - Jens Ólafsson (Brain Police)

Gítar – Franz Gunnarsson (Ensími / Dr. Spock)

Bassi – Flosi Þorgeirsson (HAM)

Trommur – Hallur Ingólfsson (XIII / Skepna)

Forsala fyrir Græna Hattinn er í Eymundsson og forsala fyrir Gamla Gaukinn er á miðakaup.is.

Hér fyrir neðan má sjá myndband af Black Sabbath flytja smellinn Paranoid á tónleikum í París árið 1970.