Tannlæknakostnaður hefur hækkað um 4,6%

Kostnaður vegna tannlækninga hefur hækkað um 4,6% undanfarna 12 mánuði. Þetta kemur fram í frétt Íslandsbanka um verðbólgutölur Hagstofunnar.

Íslandsbanki segir kostnað við tannlækningar hafa aukist verulega undanfarið ár, þrátt fyrir stóraukna greiðsluþátttöku ríkisins í tannlækningum barna á tímabilinu.

Ef undanskilin eru áhrif af greiðsluþátttöku ríkisins í tannlækningum barna, sem komu til lækkunar í verðmælingum maí- og septembermánaða, nemur hækkunin undanfarna 12 mánuði 11,4%.