Öruggt hjá Kaupmannahöfn

Ragnar Sigurðsson og Rúrik Gíslason voru báðir í byrjunarliði FC Kaupmannahafnar sem lagði Viborg 4-1 í dönsku úrvalsdeildinni í fótbolta í dag. Staðan var 3-1 í hálfleik.

Cesar Santin kom FCK yfir strax á 1. mínútu leiksins og eftir á 9. mínútu bætti Igor Vetokele öðru marki við.

Thomas Dalgaard minnkaði muninn á 24. mínútu en Vetokele jók muninn í tvö mörk tveimur mínútum síðar.

Youssef Toutouh gerði út um leikinn á 69. mínútu og þremur mínútum síðar var Rúrik skipt af leikvelli. Ragnar lék allan leikinn.

FCK lyfti sér með sigrinum upp í 3. sæti deildarinnar en liðið er með 24 stig. Viborg er í sjöunda sæti með 20 stig.