Gamma kynnir nýja vísitölu

Fjármálafyrirtækið GAMMA kynnti í gær nýja vísitölu, Markaðsvísitölu GAMMA. Henni er ætlað að veita heildarsýn á þróun íslensks fjármálamarkaðar, að því er fram kemur í tilkynningu.

Vísitalan, sem verður send út við lok hvers viðskiptadags, er samsett úr vísitölum ríkistryggðra skuldabréfa, hlutabréfa og fyrirtækjaskuldabréfa.

„Undirvísitölurnar eru vigtaðar eftir markaðsverðmæti og er þannig ætlað að endurspegla markaðinn á fullnægjandi hátt,“ segir í tilkynningunni.