Mest lesið dálkurinn Bergur Ebbi Benediktsson skrifar 30. maí 2013 12:00 Þegar netið kom fyrst til sögunnar voru margir íhaldssamir blaðamenn pirraðir á því hversu mikil áhersla var lögð á nýjustu fréttirnar hjá netmiðlunum. Nýjustu fréttirnar eru ekki endilega merkilegastar, en þær fengu mesta plássið. Í dag er þetta að breytast en við erum sannarlega að fara úr öskunni í eldinn. Í dag er það „mest lesið dálkurinn“ sem allt snýst um. „Heilbrigðari kynfæri með meira kynlífi“, „Loftsteinn á leiðinni“, „Á gólfinu var allt í viðbjóði“. Þetta voru mest lesnu fréttirnar á stærstu netfréttamiðlum landsins síðasta þriðjudag. Þetta eru allt ágætlega skrifaðir textabútar en langt frá því að vera merkilegar fréttir. Fyrsta fréttin er útdráttur úr lengri grein sem fjallar um hvernig kynlíf sé góð grindarbotnsæfing. Önnur fréttin er um loftstein sem er ekki á leið til jarðar heldur framhjá jörðinni, nánar tiltekið 5,8 milljón kílómetra framhjá, og þriðja fréttin er um atvik á Akureyri þar sem börn gengu inn í ólæst hús og subbuðu þar út matvælum. Þetta eru fréttirnar sem flestir lásu á þessum miðlum. Þetta voru aðalfréttir dagsins. Í orði hljómar teorían vel. Frjálst val ætti að vera grundvöllur fréttamats. Það sem flestir hafa áhuga á hlýtur að vera merkilegast. Ég er hálfpartinn sorgmæddur yfir því hversu fjarri sanni það er. Þvert á móti virðist frjálst val fremur versta mögulega aðferðin til að ákvarða mikilvægi frétta. Betra væri að láta apa með bundið fyrir augun velja mikilvægustu fréttirnar. Ef mest lesið dálkurinn hefði verið uppi fyrr á öldum hefði fólk frekar lesið um „hest sem prumpaði í Grosswald“ en mótmælaskjal Marteins Lúther á kirkjuhurðinni í Wittenberg, það hefði heldur lesið um „andaglas sem fór úrskeiðis“ en rússnesku byltinguna, og bakhár Danny DeVito heldur en fall Berlínarmúrsins. Hver veit? Líklega er það nákvæmlega það sem fólk gerði og hefur alltaf gert. Raunveruleikinn er þungur köggull og ábyrgðin sem fylgir alvöru fréttum er íþyngjandi. En við skulum hætta að halda að mest lesið dálkurinn sé eitthvað annað en froða. Viltu birta grein á Vísi? Sendu okkur póst. Senda grein Bergur Ebbi Mest lesið Í minningu sonar – og allra þeirra sem aldrei komu heim Kristín Dýrfjörð,Friðrik Þór Guðmundsson Skoðun Alþjóðalög eða lögleysa? Urður Hákonardóttir Skoðun Ísrael – brostnir draumar og lygar Ingibjörg Þóra Haraldsdóttir Skoðun Þú ert búin að eyðileggja líf mitt!!! Sandra Ósk Jóhannsdóttir Skoðun Við tölum um vöxt — en gleymum því sem vex Þórdís Hólm Filipsdóttir Skoðun Ætla þau að halda áfram að grafa sína eigin gröf? Kolbrún Áslaugar Baldursdóttir Skoðun Verri framkoma en hjá Trump Hjörtur J. Guðmundsson Skoðun GPT‑5 kemur í ágúst – áskoranir og tækifæri fyrir Ísland Sigvaldi Einarsson Skoðun Truman-ríkið: Tilraunir raunheimsins að komast í gegnum gervihvelfinguna Svala Magnea Ásdísardóttir Skoðun Landið talar Davíð Arnar Oddgeirsson Skoðun
Þegar netið kom fyrst til sögunnar voru margir íhaldssamir blaðamenn pirraðir á því hversu mikil áhersla var lögð á nýjustu fréttirnar hjá netmiðlunum. Nýjustu fréttirnar eru ekki endilega merkilegastar, en þær fengu mesta plássið. Í dag er þetta að breytast en við erum sannarlega að fara úr öskunni í eldinn. Í dag er það „mest lesið dálkurinn“ sem allt snýst um. „Heilbrigðari kynfæri með meira kynlífi“, „Loftsteinn á leiðinni“, „Á gólfinu var allt í viðbjóði“. Þetta voru mest lesnu fréttirnar á stærstu netfréttamiðlum landsins síðasta þriðjudag. Þetta eru allt ágætlega skrifaðir textabútar en langt frá því að vera merkilegar fréttir. Fyrsta fréttin er útdráttur úr lengri grein sem fjallar um hvernig kynlíf sé góð grindarbotnsæfing. Önnur fréttin er um loftstein sem er ekki á leið til jarðar heldur framhjá jörðinni, nánar tiltekið 5,8 milljón kílómetra framhjá, og þriðja fréttin er um atvik á Akureyri þar sem börn gengu inn í ólæst hús og subbuðu þar út matvælum. Þetta eru fréttirnar sem flestir lásu á þessum miðlum. Þetta voru aðalfréttir dagsins. Í orði hljómar teorían vel. Frjálst val ætti að vera grundvöllur fréttamats. Það sem flestir hafa áhuga á hlýtur að vera merkilegast. Ég er hálfpartinn sorgmæddur yfir því hversu fjarri sanni það er. Þvert á móti virðist frjálst val fremur versta mögulega aðferðin til að ákvarða mikilvægi frétta. Betra væri að láta apa með bundið fyrir augun velja mikilvægustu fréttirnar. Ef mest lesið dálkurinn hefði verið uppi fyrr á öldum hefði fólk frekar lesið um „hest sem prumpaði í Grosswald“ en mótmælaskjal Marteins Lúther á kirkjuhurðinni í Wittenberg, það hefði heldur lesið um „andaglas sem fór úrskeiðis“ en rússnesku byltinguna, og bakhár Danny DeVito heldur en fall Berlínarmúrsins. Hver veit? Líklega er það nákvæmlega það sem fólk gerði og hefur alltaf gert. Raunveruleikinn er þungur köggull og ábyrgðin sem fylgir alvöru fréttum er íþyngjandi. En við skulum hætta að halda að mest lesið dálkurinn sé eitthvað annað en froða.
Í minningu sonar – og allra þeirra sem aldrei komu heim Kristín Dýrfjörð,Friðrik Þór Guðmundsson Skoðun
Truman-ríkið: Tilraunir raunheimsins að komast í gegnum gervihvelfinguna Svala Magnea Ásdísardóttir Skoðun
Í minningu sonar – og allra þeirra sem aldrei komu heim Kristín Dýrfjörð,Friðrik Þór Guðmundsson Skoðun
Truman-ríkið: Tilraunir raunheimsins að komast í gegnum gervihvelfinguna Svala Magnea Ásdísardóttir Skoðun