Kate Moss nakin í Playboy

Kate Moss ætlar að fagna fertugsafmæli sínu með nektarmyndatöku í tímaritinu Playboy. Moss verðug fertug í janúar á næsta ári en í sama mánuði fagnar tímaritið einnig stórafmæli sínu en þá eru liðin 60 ár frá fyrstu útgáfu þess.

Það var hárgreiðslumaður fyrirsætunnar, Oribe Canales, sem staðfesti fréttirnar en margir erlendu slúðurmiðlanna höfðu fjallað um mögulega nektarmyndatöku Moss undanfarna mánuði.

Fyrirsætan breska er þó enginn nýgræðingur þegar kemur að nektarmyndatökum, en hún sat til að mynda nýlega nakin fyrir hjá brúnkukremsframleiðandanum St. Tropez.