Tæpur þriðjungur skuldar ekkert í íbúðum sínum

Um 26 þúsund fjölskyldur, af þeim 94 þúsund sem eiga íbúðarhúsnæði, skulda ekkert í íbúðum sínum. Þetta kemur fram í greinagerð fjármálaráðuneytisins um álagningu á einstaklinga 2013.

Í heildina nemur eigið fé heimila í fasteign sinni tæplega 57 prósentum af verðmæti þeirra samanborið við 55 prósent árið áður.

Heildareign heimila að frádregnum skuldum jókst um rúm 12 prósent á árinu 2012. Hins vegar hafa skuldir heimilanna aukist um 1,5 prósent, en árið 2011 drógust skuldirnar saman um rúmlega 6 prósent.