Ferðaþjónusta hér á landi á krossgötum Svavar Hávarðsson skrifar 11. september 2013 12:00 Vestfirðir voru sérstaklega nefndir sem einstakt svæði til að laða að fjölda ferðamanna. Margt þarf þó að koma til ef það á að verða að veruleika. fréttablaðið/heiða Íslenskt samfélag mun bera allt að 400 milljarða úr býtum, beint og óbeint, frá ferðaþjónustunni í landinu eftir áratug. Um fimm þúsund ný störf verða til og heildarskatttekjur af ferðaþjónustu munu nema 52 milljörðum árið 2023. Skilyrðið fyrir að þetta verði að raunveruleika er að einfalda stjórnsýslu, tryggja upplifun ferðamanna og koma upp skilvirkri leið til gjaldtöku fyrir náttúru Íslands. Þetta er meðal niðurstaðna rannsókna ráðgjafafyrirtækisins Boston Consulting Group (BCG), sem kynntar voru hagsmunaaðilum á ráðstefnunni Framtíð íslenskrar ferðaþjónustu í Hörpu í gær. Fram kom að vöxturinn í ferðaþjónustu hér á landi á fyrsta áratug þessarar aldar nam 136%. Sérfræðingar BCG telja mögulegt að tvöfalda fjölda ferðamanna á næsta áratug, í 1,5 milljónir árið 2023. Pedro Esquivias, framkvæmdastjóri hjá BCG í Lundúnum, sagði í erindi sínu að árangur Íslands við markaðssetningu, og að laða ferðamenn til landsins, væri glæsilegur. Vöxtur greinarinnar hér á landi ætti sér ekki samanburð. „En Ísland stendur á krossgötum.“ Esquivias sagði að hingað til hefði allt snúist um að fjölga ferðamönnum. Hann sagði það mat BCG að 1,2 til 1,5 milljónir ferðamanna ættu að vera takmarkið til langrar framtíðar litið. En hann sagði jafnframt, og það oftar en einu sinni og oftar en tvisvar, að markaðssetning og skipulagsvinna næstu missera ætti að snúast um það að fá hingað til lands ferðamenn með meiri kaupgetu.Þeir sem koma til landsins halda sig meira og minna á suðvesturhluta landsins. Skýringarmyndin dregur fram öfgar í þeirri mynd en um leið gríðarleg tækifæri landsbyggðarinnar í heild til að fá stærri sneið af kökunni.heimild/ferðamálastofaRagnheiður Elín Árnadóttir, iðnaðar- og viðskiptaráðherra, flutti stutt erindi um þá vinnu sem BCG hefur nú lagt á vogarskálarnar, til viðbótar við samráð við hagsmunaaðila frá því að hún tók við embætti. Og tíðinda er að vænta. „Við munum taka okkur tíma fram að áramótum til að móta tillögur og ætlum síðan að leggja fram frumvarp,“ sagði Ragnheiður og bætti við að tímabært væri að fara að taka ákvarðanir um framtíðarskipan ferðaþjónustunnar. Það væri ekki eftir neinu að bíða, og tók hún þá undir orð Esquivias sem talaði um krossgötur í þessum skilningi. BCG flutti í sjálfu sér engin ný skilaboð – það var mál manna á ráðstefnunni. Það lét kunnuglega í eyrum gesta að hingað ætti að laða að efnameiri ferðamenn, og að gæta þyrfti að gullgæsinni – náttúru landsins. Eins að byggja þyrfti upp innviði ferðaþjónustunnar í breiðum skilningi. En fjármögnun þeirrar uppbyggingar gæti orðið umdeild, sem fyrr. BCG mælir með náttúrupassa sem yrði útfærður þannig hann væri í gildi í 30 daga fyrir ferðamanninn og gilti fyrir alla helstu ferðamannastaðina. Hann myndi hins vegar gilda í fimm ár fyrir Íslendinginn og gjaldtakan færi fram í gegnum skattkerfið, en slík gjaldtaka væri nauðsynleg til að mismuna ekki ferðalöngum eftir þjóðerni. Að mati BCG væri tekjunum, sem gætu orðið allt að átta milljarðar á ári, væri best varið þannig að fjórðungi myndi vera útdeilt sem styrkjum en sama upphæð rynni í lágvaxta lánasjóð fyrir ferðaþjónustuna. Tíu prósent myndu fara til umsýslu passans en 40% rynnu beint til ferðamannastaðanna í hlutfalli við aðsókn. Á ráðstefnunni heyrðust efasemdir um þetta fyrirkomulag, sem er í takt við umræðuna um gjaldtökuna undanfarin ár. Spurt var: Ferðalangurinn fær náttúrupassann í hendur, en hvað svo? Esquivias sagði í stuttum pallborðsumræðum að ýmis útfærsluatriði varðandi gjaldtökuna væru eftir og verkefni hagsmunaaðila væri að þróa lausnir í þeim efnum. Fréttaskýringar Mest lesið Tveir reyndust í skotti bíls Innlent Ríkisstjórnarflokkarnir mælast með tuttugu prósenta fylgi Innlent Mannekla bindur hendur héraðssaksóknara í samráðsmáli Innlent Munu hlýða kröfu landsfundar verði tillaga um stjórnarslit samþykkt Innlent Munu ekki láta af herferð vegna launaþjófnaðarins Innlent Orlof húsmæðra: Barn síns tíma eða liður í jafnrétti? Innlent Ákveðinn hópur hafi unnið að niðurstöðunni undir yfirborðinu Innlent Segir valsað um sjúkraskrána eins og á rölti um Kringluna Innlent Þorgerður Katrín: Enginn ráðskonurass undir fólki í Viðreisn Innlent Kertavaka til minningar um konur sem hafa dáið vegna kynbundins ofbeldis Innlent Fleiri fréttir Ríkisstjórnarflokkarnir mælast með tuttugu prósenta fylgi Þorgerður Katrín: Enginn ráðskonurass undir fólki í Viðreisn Tveir reyndust í skotti bíls Mannekla bindur hendur héraðssaksóknara í samráðsmáli Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Bein útsending: Ávarp fráfarandi formanns Vinstri grænna Nágrannaerjur í Kópavogi: Ekki sýnt fram á að ákveðin tré valdi verulegum óþægindum Segir valsað um sjúkraskrána eins og á rölti um Kringluna Ábendingarnar verði teknar alvarlega Hætta rannsókn á mútumálinu á Selfossi Þrettán fengið samtals 512 eldri orlofsdaga greidda við starfslok Ökumanns hvítrar Teslu enn leitað Starfsfólk Ítalíu vill bíl Eflingar burt „Hönnun er í raun og veru allt í kringum okkur“ Rjúpnaveiðitímabilið 25 til 58 dagar eftir svæðum Vill hætta við nýja brú yfir Ölfusá og spara milljarða króna Níu ára stúlka sem féll niður loftræstistokk á rétt á skaðabótum „Laxaastmi“ tekinn alvarlega fyrir vestan Loftmyndir opna nýtt og einstakt þrívíddarkort af Íslandi Býst við þremur áminningum til og hjólar í lögmannanefnd List í anda frægustu orða Vigdísar og allar slaufurnar á sama stað Sjá meira
Íslenskt samfélag mun bera allt að 400 milljarða úr býtum, beint og óbeint, frá ferðaþjónustunni í landinu eftir áratug. Um fimm þúsund ný störf verða til og heildarskatttekjur af ferðaþjónustu munu nema 52 milljörðum árið 2023. Skilyrðið fyrir að þetta verði að raunveruleika er að einfalda stjórnsýslu, tryggja upplifun ferðamanna og koma upp skilvirkri leið til gjaldtöku fyrir náttúru Íslands. Þetta er meðal niðurstaðna rannsókna ráðgjafafyrirtækisins Boston Consulting Group (BCG), sem kynntar voru hagsmunaaðilum á ráðstefnunni Framtíð íslenskrar ferðaþjónustu í Hörpu í gær. Fram kom að vöxturinn í ferðaþjónustu hér á landi á fyrsta áratug þessarar aldar nam 136%. Sérfræðingar BCG telja mögulegt að tvöfalda fjölda ferðamanna á næsta áratug, í 1,5 milljónir árið 2023. Pedro Esquivias, framkvæmdastjóri hjá BCG í Lundúnum, sagði í erindi sínu að árangur Íslands við markaðssetningu, og að laða ferðamenn til landsins, væri glæsilegur. Vöxtur greinarinnar hér á landi ætti sér ekki samanburð. „En Ísland stendur á krossgötum.“ Esquivias sagði að hingað til hefði allt snúist um að fjölga ferðamönnum. Hann sagði það mat BCG að 1,2 til 1,5 milljónir ferðamanna ættu að vera takmarkið til langrar framtíðar litið. En hann sagði jafnframt, og það oftar en einu sinni og oftar en tvisvar, að markaðssetning og skipulagsvinna næstu missera ætti að snúast um það að fá hingað til lands ferðamenn með meiri kaupgetu.Þeir sem koma til landsins halda sig meira og minna á suðvesturhluta landsins. Skýringarmyndin dregur fram öfgar í þeirri mynd en um leið gríðarleg tækifæri landsbyggðarinnar í heild til að fá stærri sneið af kökunni.heimild/ferðamálastofaRagnheiður Elín Árnadóttir, iðnaðar- og viðskiptaráðherra, flutti stutt erindi um þá vinnu sem BCG hefur nú lagt á vogarskálarnar, til viðbótar við samráð við hagsmunaaðila frá því að hún tók við embætti. Og tíðinda er að vænta. „Við munum taka okkur tíma fram að áramótum til að móta tillögur og ætlum síðan að leggja fram frumvarp,“ sagði Ragnheiður og bætti við að tímabært væri að fara að taka ákvarðanir um framtíðarskipan ferðaþjónustunnar. Það væri ekki eftir neinu að bíða, og tók hún þá undir orð Esquivias sem talaði um krossgötur í þessum skilningi. BCG flutti í sjálfu sér engin ný skilaboð – það var mál manna á ráðstefnunni. Það lét kunnuglega í eyrum gesta að hingað ætti að laða að efnameiri ferðamenn, og að gæta þyrfti að gullgæsinni – náttúru landsins. Eins að byggja þyrfti upp innviði ferðaþjónustunnar í breiðum skilningi. En fjármögnun þeirrar uppbyggingar gæti orðið umdeild, sem fyrr. BCG mælir með náttúrupassa sem yrði útfærður þannig hann væri í gildi í 30 daga fyrir ferðamanninn og gilti fyrir alla helstu ferðamannastaðina. Hann myndi hins vegar gilda í fimm ár fyrir Íslendinginn og gjaldtakan færi fram í gegnum skattkerfið, en slík gjaldtaka væri nauðsynleg til að mismuna ekki ferðalöngum eftir þjóðerni. Að mati BCG væri tekjunum, sem gætu orðið allt að átta milljarðar á ári, væri best varið þannig að fjórðungi myndi vera útdeilt sem styrkjum en sama upphæð rynni í lágvaxta lánasjóð fyrir ferðaþjónustuna. Tíu prósent myndu fara til umsýslu passans en 40% rynnu beint til ferðamannastaðanna í hlutfalli við aðsókn. Á ráðstefnunni heyrðust efasemdir um þetta fyrirkomulag, sem er í takt við umræðuna um gjaldtökuna undanfarin ár. Spurt var: Ferðalangurinn fær náttúrupassann í hendur, en hvað svo? Esquivias sagði í stuttum pallborðsumræðum að ýmis útfærsluatriði varðandi gjaldtökuna væru eftir og verkefni hagsmunaaðila væri að þróa lausnir í þeim efnum.
Fréttaskýringar Mest lesið Tveir reyndust í skotti bíls Innlent Ríkisstjórnarflokkarnir mælast með tuttugu prósenta fylgi Innlent Mannekla bindur hendur héraðssaksóknara í samráðsmáli Innlent Munu hlýða kröfu landsfundar verði tillaga um stjórnarslit samþykkt Innlent Munu ekki láta af herferð vegna launaþjófnaðarins Innlent Orlof húsmæðra: Barn síns tíma eða liður í jafnrétti? Innlent Ákveðinn hópur hafi unnið að niðurstöðunni undir yfirborðinu Innlent Segir valsað um sjúkraskrána eins og á rölti um Kringluna Innlent Þorgerður Katrín: Enginn ráðskonurass undir fólki í Viðreisn Innlent Kertavaka til minningar um konur sem hafa dáið vegna kynbundins ofbeldis Innlent Fleiri fréttir Ríkisstjórnarflokkarnir mælast með tuttugu prósenta fylgi Þorgerður Katrín: Enginn ráðskonurass undir fólki í Viðreisn Tveir reyndust í skotti bíls Mannekla bindur hendur héraðssaksóknara í samráðsmáli Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Bein útsending: Ávarp fráfarandi formanns Vinstri grænna Nágrannaerjur í Kópavogi: Ekki sýnt fram á að ákveðin tré valdi verulegum óþægindum Segir valsað um sjúkraskrána eins og á rölti um Kringluna Ábendingarnar verði teknar alvarlega Hætta rannsókn á mútumálinu á Selfossi Þrettán fengið samtals 512 eldri orlofsdaga greidda við starfslok Ökumanns hvítrar Teslu enn leitað Starfsfólk Ítalíu vill bíl Eflingar burt „Hönnun er í raun og veru allt í kringum okkur“ Rjúpnaveiðitímabilið 25 til 58 dagar eftir svæðum Vill hætta við nýja brú yfir Ölfusá og spara milljarða króna Níu ára stúlka sem féll niður loftræstistokk á rétt á skaðabótum „Laxaastmi“ tekinn alvarlega fyrir vestan Loftmyndir opna nýtt og einstakt þrívíddarkort af Íslandi Býst við þremur áminningum til og hjólar í lögmannanefnd List í anda frægustu orða Vigdísar og allar slaufurnar á sama stað Sjá meira