Omeyer: Lékum mjög vel

Thierry Omeyer byrjaði úrslitaleik Evrópumeistaramótsins í handbolta í dag mjög vel og markvarsla hans átti stóran þátt í því að Frakkland náði að byggja upp gott forskot í leiknum.

„Við lékum mjög vel, vorum mjög einbeittir og lékum vel í vörninni. Við gátum skorað að vild,“ sagði Omeyer eftir leikinn en hann útskýrði frammistöðu Danmerkur á einfaldan máta.

„Þú getur ekki alltaf leikið vel.

„Við lögðum áherslu á einbeitinguna eftir hálfleik því við vitum að Danmörk er með sterkt lið sem getur snúið töpuðum leik. Við lékum mjög vel í kvöld,“ sagði Omeyer.