Sextán ára stórskyttan í Safamýrinni

Hin stórefnilega Ragnheiður Júlíusdóttir skoraði 9 mörk þegar Fram sigraði ÍBV 30-22 í Olísdeild kvenna í handbolta í gærkvöldi. 

Karl faðir hennar, Júlíus Gunnarsson, var skotfastur með vinstri hendinni en Ragnheiður sveiflar þeirri hægri með sama árangri.  Ragnheiður, sem er aðeins 16 ára, hefur spilað mikið í vetur enda yfirgáfu margir sterkir leikmenn Fram eftir síðustu leiktíð. 

Þetta er í annað sinn sem Ragnheiður skorar 9 mörk í deildinni í vetur.  Stjarnan vann FH í gærkvöldi og hefur þriggja stiga forystu á Val sem vann Selfoss.  Fram er 5 stigum á eftir Stjörnunni í þriðja sæti.