Sérfræðingahópurinn mun kynna niðurstöður sínar í lok vikunnar

Sigmundur Davíð Gunnlaugsson, forsætisráðherra, kynnti tillögur sérfræðingahóps um afnám verðtryggingar á neytendalánum á ríkisstjórnarfundi í morgun.

Sérfræðingahópur um afnám verðtryggingar skilaði ráðherranefnd ríkisstjórnarinnar um skuldamál drög að sínum tillögum síðastliðin föstudag.

Í samtali við fréttastofu staðfesti Jóhannes Þór Skúlason, aðstoðarmaður Sigmundar Davíð Gunnlaugssonar, að nefndin muni kynna sínar niðurstöður í lok vikunnar.

Þeir aðilar sem eru í sérfræðihópnum eru: Ingibjörg Ingvadóttir, hdl, formaður, Tómas Brynjólfsson, hagfræðingur í fjármála- og efnahagsráðuneyti, Iða Brá Benediktsdóttir, viðskiptafræðingur, Sigrún Ólafsdóttir, alþjóðaviðskiptafræðingur í forsætisráðuneyti, Helga Hlín Hákonardóttir, hdl., Valdimar Ármann, hagfræðingur/fjármálaverkfræðingur og Vilhjálmur Birgisson, formaður Verkalýðsfélags Akraness.