Ingibjörg með tíu mörk í öruggum FH-sigri

Ingibjörg Pálmadóttir skoraði tíu mörk fyrir FH í kvöld þegar liðið vann átta marka sigur á Fylki í Kaplakrika, 29-21, í Olís-deild kvenna í handbolta.

Ingibjörg var "bara" með 2,4 mörk að meðaltali í deildinni fyrir leikinn en fór á kostum í kvöld.

FH var aðeins einu marki yfir í hálfleik, 12-11, en vann seinni hálfleikinn 17-10.

Þetta var annar sigur FH-liðsins á þremur dögum og liðið er nú í sjötta sæti deildarinnar.



FH - Fylkir 29-21 (12-11)

Mörk FH: Ingibjörg Pálmadóttir 10, Heiðdís Rún Guðmundsdóttir 5, Rakel Sigurðardóttir 3, Elín Anna Baldursdóttir 3, Steinunn Snorradóttir 2, Berglind Ósk Björgvinsdóttir 2, Aníta Mjöll Ægisdóttir 1, Birna Íris Helgadóttir 1, Hulda Bryndís Tryggvadóttir 1, Helga Sigríður Magnúsdóttir 1.

Mörk Fylkis: Patricia Szölösi 6, Vera Pálsdóttir 4, Thea Imani Sturludóttir 3, Auður Guðbjörg Pálsdóttir 2, Hildur Björnsdóttir 2, Andrea Ósk Þorkelsdóttir 1, Ólöf Kristín Þorsteinsdóttir 1, Díana Kristín Sigmarsdóttir 1, Julija Zukovska 1.