„Auðvitað misnotaði Woody ekki systur mína“ Lilja Katrín Gunnarsdóttir skrifar 5. febrúar 2014 17:00 „Móðir mín stimplaði því inn í hausinn á mér að ég ætti að hata föður minn fyrir að sundra fjölskyldunni og misnota systur mína kynferðislega. Og ég hataði hann í mörg ár. Nú sé ég að þetta var hennar leið til að ná sér niður á honum því hann varð ástfanginn af Soon-Yi,“ segir Moses Farrow, sonur leikkonunnar Miu Farrow og leikstjórans Woody Allen í samtali við tímaritið People. Eru þetta viðbrögð hans við bréfinu sem systir hans Dylan Farrow birti á bloggvef New York Times um helgina þar sem hún sagði föður sinn hafa misnotað sig í æsku. Moses, Dylan og bróðir þeirra Ronan lentu í miðjunni í hatrammri forræðisdeilu milli foreldra sinna árið 1993, eftir að Mia fann nektarmyndir af ættleiddri dóttur sinni, Soon-Yi Previn, í fórum Woodys en þau Soon-Yi giftu sig árið 1997. Mia fékk forræði yfir börnunum þremur þegar deilunum lauk. Meint misnotkun Woody á Dylan var rannsökuð um svipað leiti en hann var aldrei kærður. Hann hefur staðfastlega neitað því að hafa misnotað dóttur sína. Ronan Farrow, Lark Previn, Woody Allen, Dylan Farrow, Fletcher Previn, Daisy Previn, Soon-Yi Previn, Moses Farrow og Mia Farrow og Leníngrad árið 1987. Dylan elskaði Woody Í bréfinu sem Dylan skrifaði sagði hún frá misnotkun sem átti sér stað á heimili móður sinnar þegar hún var sjö ára. Hún segir Woody hafa leitt sig upp á háaloft og misnotað sig er hún lá á maganum. Moses segir ekkert hæft í því „Auðvitað misnotaði Woody ekki systur mína. Hún elskaði hann og hlakkaði til að sjá hann þegar hann kom í heimsókn. Hún faldi sig aldrei fyrir honum fyrr en móðir okkar náði að skapa andrúmsloft ótta og haturs í hans garð. Við vorum sex eða sjö í húsinu daginn sem hún minnist á í bréfinu. Við vorum öll í opnu rými og enginn, ekki faðir minn og systir, fóru afsíðis í einkaherbergi. Móðir mín var var úti að versla. Ég veit ekki hvort systir mín trúi því í raun að hún hafi verið misnotuð eða hvort hún sé að reyna að geðjast móður sinni. Að geðjast móður minni var mikill hvati því það var ömurlegt að gera henni á móti skapi,“ bætir Moses við. „Bróðir minn er dauður fyrir mér“ Dylan hefur svarað Moses og heldur því fram að það sem standi í bréfinu sé sannleikanum samkvæmt. „Þetta eru mikil svik við mig og alla fjölskylduna mína. Minningar mínar eru sannar og þær eru mínar og ég mun lifa með þær alla ævi. Móðir mín þjálfaði mig aldrei. Hún setti engar falskar minningar inní heilann á mér. Minningarnar mínar eru mínar. Ég man þetta. Henni brá þegar ég sagði henni frá þessu. Hún vonaðist til að ég hefði búið þetta til þegar ég sagði henni sögu mína. Hún settist niður með mér og spurði mig hvort ég væri að segja satt í einu átakanlegasta samtali sem ég hef átt. Hún sagði að pabbi hefði neitað þessu og ég sagði: „Hann lýgur.““ Dylan er í engu sambandi við Moses núna. „Ég vil ekki sjá fjölskyldu mína dregna niður í svaðið á þennan hátt. Ég get ekki verið þögul þegar fjölskylda mín þarf á mér að halda og ég mun ekki yfirgefa þau eins og Soon-Yi og Moses gerðu. Bróðir minn er dauður fyrir mér. Móðir mín er svo hugrökk og hún kenndi mér hvað það þýðir að vera sterkur og hugrakkur og segja sannleikann þó þessar svakalegu lygar séu á sveimi,“ segir Dylan. Dylan segir minningar sínar vera sínar. Ánægjulegir endurfundir við Woody Moses er fjölskylduráðgjafi í dag og segir líf sitt hafa orðið betra vegna þess að hann eyddi miklum tíma með Woody. „Ég held að systir mín sé að missa af miklu í lífinu því hún er ekki í sambandi við föður sinn sem hefur alltaf dáð hana. Það er mikilvægt að hún krefjist sjálfstæðis frá móður okkar og fari ekki í gegnum lífið með þá hugmynd að hún hafi verið misnotuð af föður mínum. Ég er mjög hamingjusamur að ég hafi tekið stjórnina og slitið sambandi við móður mína sem hefur leitt af sér ánægjulega endurfundi við föður minn,“ segir Moses. Mál Woody Allen Mest lesið Nicole Kidman og Keith Urban hvort í sína átt Lífið Fjöldi fólks á frumsýningu kynlífsmyndbands Lífið Sakar rithöfunda um að vilja forðast umræðuna Menning „Það er ekkert sem læknar þetta alveg“ Lífið Stjörnulífið: Tatiana og Ragnar í kastala í Frakklandi Lífið Ung, upprennandi og sjóðheit stjarna á lausu Lífið Hneig niður í miðju lagi Tónlist Stjörnufans og forsetar á Rauðu myllunni Lífið „En áttu ekki dóttur?“ Lífið Gjaldþrot Play setur RIFF úr skorðum: „Þetta kemur á versta tíma“ Lífið Fleiri fréttir Nicole Kidman og Keith Urban hvort í sína átt Fjöldi fólks á frumsýningu kynlífsmyndbands „Erfitt að koma í veg fyrir slæm samskipti ef fólk segir ekki frá“ Viðkvæmar viðræður, lausn Assange og næstu skref WikiLeaks Íslensk kjötsúpa eins og hún gerist best Gjaldþrot Play setur RIFF úr skorðum: „Þetta kemur á versta tíma“ Stjörnufans og forsetar á Rauðu myllunni Ung, upprennandi og sjóðheit stjarna á lausu „Það er ekkert sem læknar þetta alveg“ Stjörnulífið: Tatiana og Ragnar í kastala í Frakklandi Egill og Thelma eiga von á sínu öðru barni Verður aðalnúmer hálfleikssýningar Ofurskálarinnar „En áttu ekki dóttur?“ Selena Gomez giftist Benny Blanco Krakkatían: Lestrarkeppni, flugumferð og leiksýning Rapparinn og málverndarsinninn frjáls ferða sinna Boðaði vinkonurnar í bústað eftir að hafa upplifað Tinder á sterum Fréttatía vikunnar: Moulin Rouge, Blóðbankinn og Eurovision „Lætur mér líða eins og tími minn í Hollywood hafi verið ómaksins virði“ Fögnuðu sögulegum 850 þúsund króna hátalara Ella Egils Björgvin Franz brotinn en slær í gegn í Ladda og ræktinni Sonur Fóstbróður slær í gegn: „Ég er fastur þarna núna, orðinn háður“ „Kristrún Frostadóttir frá... Finnlandi?“ Lamaðist og missti sjón en fann styrk í sjálfri sér Víkingur Heiðar hlaut mjög virt verðlaun Fyrstur til að skíða niður Everest án súrefnis „Það sýður miklu frekar upp úr við uppvaskið“ „Mjög fallegt“ hús og „fullfrágengin“ lóð Elli Egils hannaði hátalara fyrir Bang & Olufsen Elli Egils hélt að Elli Egils væri grín Sjá meira
„Móðir mín stimplaði því inn í hausinn á mér að ég ætti að hata föður minn fyrir að sundra fjölskyldunni og misnota systur mína kynferðislega. Og ég hataði hann í mörg ár. Nú sé ég að þetta var hennar leið til að ná sér niður á honum því hann varð ástfanginn af Soon-Yi,“ segir Moses Farrow, sonur leikkonunnar Miu Farrow og leikstjórans Woody Allen í samtali við tímaritið People. Eru þetta viðbrögð hans við bréfinu sem systir hans Dylan Farrow birti á bloggvef New York Times um helgina þar sem hún sagði föður sinn hafa misnotað sig í æsku. Moses, Dylan og bróðir þeirra Ronan lentu í miðjunni í hatrammri forræðisdeilu milli foreldra sinna árið 1993, eftir að Mia fann nektarmyndir af ættleiddri dóttur sinni, Soon-Yi Previn, í fórum Woodys en þau Soon-Yi giftu sig árið 1997. Mia fékk forræði yfir börnunum þremur þegar deilunum lauk. Meint misnotkun Woody á Dylan var rannsökuð um svipað leiti en hann var aldrei kærður. Hann hefur staðfastlega neitað því að hafa misnotað dóttur sína. Ronan Farrow, Lark Previn, Woody Allen, Dylan Farrow, Fletcher Previn, Daisy Previn, Soon-Yi Previn, Moses Farrow og Mia Farrow og Leníngrad árið 1987. Dylan elskaði Woody Í bréfinu sem Dylan skrifaði sagði hún frá misnotkun sem átti sér stað á heimili móður sinnar þegar hún var sjö ára. Hún segir Woody hafa leitt sig upp á háaloft og misnotað sig er hún lá á maganum. Moses segir ekkert hæft í því „Auðvitað misnotaði Woody ekki systur mína. Hún elskaði hann og hlakkaði til að sjá hann þegar hann kom í heimsókn. Hún faldi sig aldrei fyrir honum fyrr en móðir okkar náði að skapa andrúmsloft ótta og haturs í hans garð. Við vorum sex eða sjö í húsinu daginn sem hún minnist á í bréfinu. Við vorum öll í opnu rými og enginn, ekki faðir minn og systir, fóru afsíðis í einkaherbergi. Móðir mín var var úti að versla. Ég veit ekki hvort systir mín trúi því í raun að hún hafi verið misnotuð eða hvort hún sé að reyna að geðjast móður sinni. Að geðjast móður minni var mikill hvati því það var ömurlegt að gera henni á móti skapi,“ bætir Moses við. „Bróðir minn er dauður fyrir mér“ Dylan hefur svarað Moses og heldur því fram að það sem standi í bréfinu sé sannleikanum samkvæmt. „Þetta eru mikil svik við mig og alla fjölskylduna mína. Minningar mínar eru sannar og þær eru mínar og ég mun lifa með þær alla ævi. Móðir mín þjálfaði mig aldrei. Hún setti engar falskar minningar inní heilann á mér. Minningarnar mínar eru mínar. Ég man þetta. Henni brá þegar ég sagði henni frá þessu. Hún vonaðist til að ég hefði búið þetta til þegar ég sagði henni sögu mína. Hún settist niður með mér og spurði mig hvort ég væri að segja satt í einu átakanlegasta samtali sem ég hef átt. Hún sagði að pabbi hefði neitað þessu og ég sagði: „Hann lýgur.““ Dylan er í engu sambandi við Moses núna. „Ég vil ekki sjá fjölskyldu mína dregna niður í svaðið á þennan hátt. Ég get ekki verið þögul þegar fjölskylda mín þarf á mér að halda og ég mun ekki yfirgefa þau eins og Soon-Yi og Moses gerðu. Bróðir minn er dauður fyrir mér. Móðir mín er svo hugrökk og hún kenndi mér hvað það þýðir að vera sterkur og hugrakkur og segja sannleikann þó þessar svakalegu lygar séu á sveimi,“ segir Dylan. Dylan segir minningar sínar vera sínar. Ánægjulegir endurfundir við Woody Moses er fjölskylduráðgjafi í dag og segir líf sitt hafa orðið betra vegna þess að hann eyddi miklum tíma með Woody. „Ég held að systir mín sé að missa af miklu í lífinu því hún er ekki í sambandi við föður sinn sem hefur alltaf dáð hana. Það er mikilvægt að hún krefjist sjálfstæðis frá móður okkar og fari ekki í gegnum lífið með þá hugmynd að hún hafi verið misnotuð af föður mínum. Ég er mjög hamingjusamur að ég hafi tekið stjórnina og slitið sambandi við móður mína sem hefur leitt af sér ánægjulega endurfundi við föður minn,“ segir Moses.
Mál Woody Allen Mest lesið Nicole Kidman og Keith Urban hvort í sína átt Lífið Fjöldi fólks á frumsýningu kynlífsmyndbands Lífið Sakar rithöfunda um að vilja forðast umræðuna Menning „Það er ekkert sem læknar þetta alveg“ Lífið Stjörnulífið: Tatiana og Ragnar í kastala í Frakklandi Lífið Ung, upprennandi og sjóðheit stjarna á lausu Lífið Hneig niður í miðju lagi Tónlist Stjörnufans og forsetar á Rauðu myllunni Lífið „En áttu ekki dóttur?“ Lífið Gjaldþrot Play setur RIFF úr skorðum: „Þetta kemur á versta tíma“ Lífið Fleiri fréttir Nicole Kidman og Keith Urban hvort í sína átt Fjöldi fólks á frumsýningu kynlífsmyndbands „Erfitt að koma í veg fyrir slæm samskipti ef fólk segir ekki frá“ Viðkvæmar viðræður, lausn Assange og næstu skref WikiLeaks Íslensk kjötsúpa eins og hún gerist best Gjaldþrot Play setur RIFF úr skorðum: „Þetta kemur á versta tíma“ Stjörnufans og forsetar á Rauðu myllunni Ung, upprennandi og sjóðheit stjarna á lausu „Það er ekkert sem læknar þetta alveg“ Stjörnulífið: Tatiana og Ragnar í kastala í Frakklandi Egill og Thelma eiga von á sínu öðru barni Verður aðalnúmer hálfleikssýningar Ofurskálarinnar „En áttu ekki dóttur?“ Selena Gomez giftist Benny Blanco Krakkatían: Lestrarkeppni, flugumferð og leiksýning Rapparinn og málverndarsinninn frjáls ferða sinna Boðaði vinkonurnar í bústað eftir að hafa upplifað Tinder á sterum Fréttatía vikunnar: Moulin Rouge, Blóðbankinn og Eurovision „Lætur mér líða eins og tími minn í Hollywood hafi verið ómaksins virði“ Fögnuðu sögulegum 850 þúsund króna hátalara Ella Egils Björgvin Franz brotinn en slær í gegn í Ladda og ræktinni Sonur Fóstbróður slær í gegn: „Ég er fastur þarna núna, orðinn háður“ „Kristrún Frostadóttir frá... Finnlandi?“ Lamaðist og missti sjón en fann styrk í sjálfri sér Víkingur Heiðar hlaut mjög virt verðlaun Fyrstur til að skíða niður Everest án súrefnis „Það sýður miklu frekar upp úr við uppvaskið“ „Mjög fallegt“ hús og „fullfrágengin“ lóð Elli Egils hannaði hátalara fyrir Bang & Olufsen Elli Egils hélt að Elli Egils væri grín Sjá meira