Arion banki selur í Högum

Arion banki hefur selt rúmlega 20 milljón hluti í Högum fyrir rúmar 841 milljón króna. Þetta kemur fram í flöggun til kauphallarinnar. Fram kemur í svokallaðri Flöggun til Kauphallarinnar. Ekki kemur fram hver kaupandinn er.

Fram kom í morgun að fjárfestarnir Árni Hauksson og Hallbjörn Karlsson seldu 77 milljónir hluta í högum fyrir 3,2 milljarða króna. Kaupandinn var Lífeyrissjóður verzlunarmanna.

Gengi Haga í Kauphöllinni er nú 41,85 krónur á hlut og er heildarvelta með hlutabréf félagsins í dag rúmir fimm milljarðar króna. Alls hafa tæplega 120 milljónir hluta selst. Gengi Haga í byrjun dags var 42 krónur á hlut.