Eystri Rangá að verða uppseld í júlí Karl Lúðvíksson skrifar 20. mars 2014 13:55 Fyrstu laxarnir í Eystri Rangá hafa verið stórlaxar Síðasta sumar var mjög gott í Eystri Rangá og er svo komið að sárafáar stangir eru eftir í júlí. Veiðin í fyrra var mjög góð en það komu 4.800 laxar á land úr ánni þrátt fyrir rysjótt tíðarfar og oft á tíðum erfiðar aðstæður við ána. Það sem þykir athyglisvert við veiðina í fyrra er góð veiði snemmsumars en það komu hátt í annað hundrað laxar á land í lok júlí og veiðin fyrstu vikuna í júlí var að sama skapi mjög góð. Mest af þessum laxi sem veiðist í byrjun tímabils er stórlax svo það er ekkert skrítið að veiðimenn sem hafa gert það gott á þessum tíma skuli sækja í Eystri aftur. Sleppingar í fyrra gengu mjög vel og er reiknað með að sumarið núna verði síst lakara en í fyrra en frekar er reiknað með því að veiðin verði betri. Það sem hefur gert gæfumuninn í ánni er að sérstaklega hefur verið gert út á að ná fyrstu löxunum sem ganga í klak til að byggja upp stofn sem er snemmgenginn. Þetta er gífurlega tímafrekt og mikil vinna er á bak við sleppingarnar til að tryggja að þær skili sem bestum árangri en ljóst þykir að vinna síðustu ára er klárlega að skila sér. Það sést bæði á veiðitölum og stærð þeirra laxa sem eru að veiðast. Stangveiði Mest lesið 11 kílóa urriði úr Þingvallavatni Veiði Með hátt í 200 fiska eftir helgina á Skagaheiði Veiði Sjóbleikjan gefur sig víða þessa dagana Veiði 101 sm lax úr Ytri Rangá Veiði Stóra Fossvatn komið yfir 2000 fiska Veiði Vika í árshátíð SVFR Veiði Gömul en fyndin saga af ungum veiðiþjófum Veiði Verðlækkun í Ásgarði í Soginu Veiði Pallborðsumræður um áhrif sjókvíaeldis Veiði Makrílinn mættur við bryggjur landsins Veiði
Síðasta sumar var mjög gott í Eystri Rangá og er svo komið að sárafáar stangir eru eftir í júlí. Veiðin í fyrra var mjög góð en það komu 4.800 laxar á land úr ánni þrátt fyrir rysjótt tíðarfar og oft á tíðum erfiðar aðstæður við ána. Það sem þykir athyglisvert við veiðina í fyrra er góð veiði snemmsumars en það komu hátt í annað hundrað laxar á land í lok júlí og veiðin fyrstu vikuna í júlí var að sama skapi mjög góð. Mest af þessum laxi sem veiðist í byrjun tímabils er stórlax svo það er ekkert skrítið að veiðimenn sem hafa gert það gott á þessum tíma skuli sækja í Eystri aftur. Sleppingar í fyrra gengu mjög vel og er reiknað með að sumarið núna verði síst lakara en í fyrra en frekar er reiknað með því að veiðin verði betri. Það sem hefur gert gæfumuninn í ánni er að sérstaklega hefur verið gert út á að ná fyrstu löxunum sem ganga í klak til að byggja upp stofn sem er snemmgenginn. Þetta er gífurlega tímafrekt og mikil vinna er á bak við sleppingarnar til að tryggja að þær skili sem bestum árangri en ljóst þykir að vinna síðustu ára er klárlega að skila sér. Það sést bæði á veiðitölum og stærð þeirra laxa sem eru að veiðast.
Stangveiði Mest lesið 11 kílóa urriði úr Þingvallavatni Veiði Með hátt í 200 fiska eftir helgina á Skagaheiði Veiði Sjóbleikjan gefur sig víða þessa dagana Veiði 101 sm lax úr Ytri Rangá Veiði Stóra Fossvatn komið yfir 2000 fiska Veiði Vika í árshátíð SVFR Veiði Gömul en fyndin saga af ungum veiðiþjófum Veiði Verðlækkun í Ásgarði í Soginu Veiði Pallborðsumræður um áhrif sjókvíaeldis Veiði Makrílinn mættur við bryggjur landsins Veiði