Eyjólfur á skotskónum í sigri Midtjylland

FC Midtjylland minnkaði forskot AaB Álaborg á toppi dönsku úrvalsdeildarinnar í eitt stig þegar liðið vann 5-2 sigur á Viborg á heimavelli í dag. Eyjólfur Héðinsson skoraði eitt marka liðsins.

Gestirnir komust yfir þegar Patrick Banggaard Jensen setti boltann í eigið mark eftir 20 mínútna leik, en Sylvester Igboun jafnaði leikinn aðeins fimm mínútum seinna.

Marco Tejmer Larsen kom Midtjylland yfir eftir tæplega klukkustundar leik og Petter Andersson jók muninn svo muninn í tvö mörk þegar ellefu mínútur voru eftir af leiknum.

Kevin Mensah minnkaði muninn í 3-2 fimm mínútum síðar, áður en Andersson skoraði sitt annað mark á 86. mínútu. Það var síðan Eyjólfur Héðinsson sem gulltryggði sigur Midtjylland þegar hann skoraði fimmta mark liðsins á lokamínútunni, en Eyjólfur hafði komið inn á sem varamaður á 72. mínútu.