"Húsið fylltist á augabragði“

„Þetta var ótrúlegt, húsið fylltist á augabragði þegar við létum fréttast að hún yrði á staðnum og um leið og við byrjuðum að spila fóru allar myndavélar á loft,“ segir Valgeir Magnússon.

Hann frumflutti nýverið nýtt lag með maltnesku Eurovision-stjörnunni Chiara Siracusa á Euro Fan Café í Kaupmannahöfn á sunnudag sem heitir Mermaid in Love. Örlygur Smári og Pétur Örn sömdu lagið ásamt Valgeiri sem hefur verið umboðsmaður hennar síðustu ár.

„Chiara flaug bara hingað fyrir þetta gigg og svo til baka til Möltu morguninn eftir. Nú er bara að sjá hvað lagið gerir en við munum túra saman nú í sumar og nokkur gigg eru staðfest. Þetta verður skemmtilegt sumar.“

Myndband af flutningnum má sjá hér með fréttinni.