Innkalla Yaris bifreiðar

Toyota á Íslandi innkallar nú 1.480 Yaris bifreiðar vegna bilunar í festingu í mælaborði fyrir stýrissúlu. Um er að ræða bifreiðar framleiddar á tímabilinu 2005 til 2009.

Í tilkynningu frá Neytendastofu segir að ef stýrishjóli er endurtekið snúið harkalega í botn til hægri eða vinstri geta suður á festingu fyrir stýrissúluna brotnað frá burðarbita í mælaborði. Ef suðurnar brotni, geti stýrissúla fallið niður frá mælaborði og erfitt verður að stjórna bílnum.

Toyota kemur til með að senda bréf vegna innköllunarinnar til hlutaðeigandi bifreiðaeigenda.